هەولێر.. زەخمداری وە گولە و وەخوار کەفتن کراکاریگ لەناو پرۆژەیگ ئاو
شەفەق نیوز/ وەرێوەبەرایەتی وەرگیری شارستانی پارێزگای هەولێر، ءمڕوو دووشەممە، خەوەردا لە زەخمداری پەنج کراکار لە ئەنجام وەخوارکەفتنیان وە ناو پرۆژەیگ ئاو لە وەخت دوارە خاسەوکردن.
قسەکەر وەڕێوەبەرایەتییەگە، شاخەوان عەلی، وە ئاژانس شەفەق نیوز وت، ''پەنج کراکار وە رەگەز عەرەب کەفتنەسە ژیر پرۆژەی ئیفراز لە وەخت کارەیل خاسەوکردن'' دیاریکرد ''وەرگیری شارستانی توەنستییە درارێدەیان و ئەرا خەستەخانە کلیان بکەێد''.
وتیش: ''چوار لە کراکارەیل بارودۆخ تەندروسیان جیگیرە، پەنجەمین زەخمدار لە خەستەخانە چارەسەر وەرگردییە باوجی لەوەر سەختی زەخمدارییەگی گیان لەدەسداس''.
هەرلیوا لە هەولێریش، سەرچەوەیگ ناوخوەیی وە ئاژانس شەفەق نیوز خەوەردا، کەسیگ وە سەختی زەخمدار بویە وە گولە لە نوای بینای دادگای هەولێڕ.
سەرچەوەگە ئاشکرایکرد، وە پشتبەسان وە زانیاری سەرەتاییەیل تەقەکەرەگە دەسگیرکریاس.
