هیزەیل ئەمنی مانگگردن مامووستایەیل کوردی لە کەرکوک لاوەن
شەفەق نيوز– كەركوك
هیزەیل ئەمنی لە کەرکوک، ئمڕوو سێشەممە، کۆتایی وە مانگگردن مامووستایەیل خوەنەواری کوردی هاوردن، کە داوای چارەکردن قەیران مووچەیل دیرکەفتگیان ئەرا چەن مانگیگ کردن.
محمد جەلیل نوینەر مامووستایەیل خوەنەواری کوردی لە کەرکوک ئەرا ئاژانس شەفەق نیوز وت؛ مامووستایەیل هەرێم کوردستان لەبان میلاک پارێزگای کەرکوک مانگگردن لەوەردەم نویسنگەی پەرلەمان عراق رێکخستن، وە دوای چارەکردن قەیران دیرکەفتن مووچەیلیان ئەرا چەن مانگیگ.
وتیش: داواکارییەیل پەیوەندی وە مسۆگەرکردن مافەیل دارایی و مرۆییمانە، دویای ئەوە کە قەیران مووچەیل وەشیوەی کوتپڕ کاریگەری لەبان ژیان خوەمان و خیزانەیلمان دروس کرد، دیاری کرد کە هیزەیل ئەمنی ئەو چادر مانگگردنە لاوردن کە مامووستایەیل لە وەردەم بینای پەرلەمان هەڵیداوێن، و وەزوور ناڕەزایەیل جیاوە کردن و کۆتایی وە گردەوبوینەگە هاوردن.
دووپاتیش کرد کە مامووستایەیل باس بیزاری فرەی خوەیان وەی رەفتارەیلە کردن، و لە خود وەختەگە دووپات کردن کە هەر وەردەوام بوون وە گشت شیوەیل یاسایی و دەستووری ئەرا داواکردن مافەیل رەوایان.
