هەرێم کوردستان داهات نانەفتی خەێدە بان هەژمار وەزارەت دارایی عراق
2025-07-22T08:54:53+00:00
شەفەق نیوز ـ هەولێر
وەزارەت دارایی و ئابووری هەرێم کوردستان، ئمڕوو سێشەممە، راگەیان بەش گەنجینەی وڵات عراق لە داهاتە نانەفتیەیل خستە بان هەژمار بانکی وەزارەت دارایی فیدراڵی.
وەزارەت دارایی کوردستان ئمڕوو لە بەیانامەیگ راگەیان، داهاتە نانەفتیەیل هەرێم کوردستان ئەرا مانگ ئایار ئمساڵ 2025 کە رەسیە 120 ملیار دینار وەشیوەی کاش خریا هەژمار بانکی وەزارەت دارایی فیدڕاڵی لە لق هەولێر ئەرا بانک ناوەندی عراق.
لەو باوەتە زانیاری رووژنامەوانیەیل دەریخەن، ئەنجومەن وەزیرەیل عراق ئمڕوو دەسکردە کلکردن مووچەی مانگ ئایار فەرمانبەرەیل هەرێم لەدویای کلکردن داهاتە نانەفتیەیل ئەرا بان حساو دەوڵەت.
