هەرێم کوردستان دەور ١٠٠ هەزار تەن لە جووراجور شمەک ئەرا توکیا کلەو کەێد

شەفەق نیوز/ مەرز سنووری ئیبراهیم خەلیل لە هەرێم کوردستان، ئمڕوو سێشەممە، راگەیان کلەوکردن ٩٢ هەزار تەن لە چشت و پێداویستیەیل جووراجور و خراوکردن بەشیگ تر لەلی لەوەر نەگونجاننیان ئەرا وەکارهاوردن.

کەمال مەسعود وەرپرس راگەیانن مەرزە سنووریەگە وەگەرد تورکیا ئەرا ئاژانس شەفەق نیوز وت:  ریگری لەناوهاتن ٩٢ هەزار تەن لە چشت و پێداویستیەیل جووراجور لە مرەزەگەو کریا، لەوەر نەگونجاننیان ئەرا وەکارهاوردن، ئەوەیش لە رووژ ٢٠١٩/١/١ تا ٢٠٢٠/١٠/٣١ .

وتیش؛ زیاتر لە ٣٦ هەزار باوەت پێشێلکاری لە مەرزەگە ئامادە کریان، و رەوانە کریان ئەرا دەسەی یاسایی لە مەرزەگە، ئەرا بڕیارداین لەلیان، وە مەرجیگ باوەتەگان هەواڵە بکریەنە  دادگاگان ئەگەر لە دەسەڵات دەسەی یاسایی دەرچگ، و ئاماژە کرد ک ئی چشتەیل کلەو کریاگ و خراوکریاگەیلە سەروە جووارجور دەوڵەتەیلیگن.