پەنج قوربانی خەڵک هەرێم کوردستان وە پەلاماریگ چەکدار لە تورکیا
2023-01-19T12:21:10+00:00
شەفەق نیوز/ ئامار قوربانیەیل ئەو پەلامارە لەبان بڕیگ لە هاوڵاتییەیل هەرێم کوردستان لەبان ری نسێبین - ماردین لەناو خاک تورکیا، رەسیە ٥ کەس، ئەوەیش دویای مردن تەنیا زەخمدار لەو پەلامارە.
وەگورەی زانیاریەیل ئاژانس شەفەق نیوز، ئەو زەخمدارە لەناو خەسەخانەیگ لە ماردین گیانی لەدەسدا.
وەرجەیە، مەسرور بارزانی سەرۆک حکومەت هەرێم کوردستان، وەتەنیا نەفرەت لەو پەلامارە کرد ک هاووڵاتی یا هەرێم کوردستان لەناو خاک تورکیا کردە ئامانج.
سەرچەوەیگ ناوخوەیی، خەوەردا لە کوشیان چوار کەس خەڵک هەرێم کوردستان و زەخمداری پەنجەمیانەوە رویداویگ تەقەکردن لە شار ماردین تورکیا.
سەرچەوەگە ئەرا ئاژانس شەفەق نیوز وت: رویداوەگ دویەشەو لە وەخت دیریگ بویە، ک کەسەیلیگ نەناسیاگ تەقە لە ماشینیگ کردن پەنج هاووڵاتی کورد لە یەک خانەوادە لەناوی بوینە، ئەوەیش لە شار ماردین تورکیا، ک بویە هوکار کوشیان چوار کەس لەلیان و. زەخمداری سەخت یەکیگ.
وتیش: ئەو پەنج کەسە خەڵک قەزای عمادیە بوینە و ئەرا نەشتەرگەری چینەسە تورکیا.
