نێچیروان بارزانی چوودە پرسەی قوربانیەیل تەقینەوەی غازەگە لە دهۆک.. وینە
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، لە پرسەی قوربانیەیل رویداو تەقیان غازەگە لە پارێزگای دهۆک بەشداری کرد، و سەرەخوەشی لە کەسوکارەیل قوربانیەیل کرد.
لە مزگەفت حاجی ئەحمەد، پرسەی پەنج قوربانی ئەو رویداوە نریا، ک سێ کەسیان ئەندام پولیس دهۆک بوین، و زیاتر لە سی کەسیش زەخمدار بوی.
دڵشاد شەهاب راویژکار سەرۆک هەرێم کوردستان لە کۆنگرەیگ رووژنامەوانی ئاژانس شەفەق نیوز ئامادەی بوی وت: سەرۆک هەرێم کوردستان سەردانەگەی بەغدای بڕێد، تا لە پرسەی خەڵک پارێزگای دهۆک بەشداری بکەێد، دویای تەقینەوەگەی دویەکە.
شەهاب وتیش: ئەوەسا سەرۆک هەرێم کوردستان سەردان زەخمدارەیل ناو خەسەخانەیل دهۆک کەێد، وتیش: حکومەت هەرێم کوردستان رکدارە لە پەیاکردن چارەیگ ئەرا ئی سیستەمە، وەگەرد مقەیەتیکردن بیوەیی گشتی ئەرا هاووڵاتییەیل.
بارزانی، شەوەکی ئمڕوو چوارشەممە، رەسیە پارێزگای دهۆک، ئەرا سەردانکردن زەخمدارەیل تەقینەوەی غازەگە لە خەسەخانەیل، و ئەرا بەشدارکردن لە پرسەی قوربانیەیل، وەگەرد سەردان شوین رویداوەگە.
