نێچیروان بارزانی وە مکیسیگ لەلایەن ماکرۆن روی وەرەو پاریس کەێد

شەفەق نيوز/ سەرۆکایەتی هەرێم کوردستان، ئمڕوو یەکشەممە، راگەیان کە نێچیروان بارزانی سەرۆک هەرێم کوردستان، وە سەردانیگ فەرمی ئەرا جیوەجیکردن مکیس ئیمانۆئێل ماکرۆن سەرۆک فەرەنسا روی وەرەو پاریس کرد.

 سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی سوو دووشەممە لە کۆشک ئیلیزێه پەتی کەفێدە ماکرۆن، و دیاری کرد کە لە دیدارەگە باس پەیوەندییەیل ناوەین فەرەنسا و عراق و هەرێم کوردستان کریەێد، و شیوەیل پاڵپشتیکردن هاوکاری هاوبەش.

 وتیش؛ ئەوەسا هەردوگ لایەن باس رای خوەیان لەبان گرنگی نواگیریکردن تیرۆر و دویاترین گەشەیل لە ناوچەی خوەرهەڵات ناوڕاس کەن.

ئی سەردانە لە شوین بەشداریکردن سەرۆک هەرێم کوردستان لە کۆڕبەند دیبلۆماسی ئەنتاڵیا لە تورکیا تیەێد، کە لەورا زنجیرەیگ لە گردەوبوین و دیدار ئەنجام دا وەگەرد بڕیگ لە سەرۆک و سەرکردەیل ئەرا باسکردن باوەتەیلیگ جویراجویر.

سەرۆک هەرێم کوردستان، لە (31 كانوون دویەم 2025) پەیوەندییگ تەلەفۆنی وەرگرد لە سەرۆک فەرەنسا، و باس رەوشەیل هەرێمی وەتایبەت سوریا کریا، وەگورەی بەیاننامەیگ لەلایەن سەرۆکایەتی فەرەنسا.

لەو پەیوەندییە، هەردوگ سەرۆک دووپات لە گرنگی پاڵپشتیکردن ئەو پەیوەندییەیل تایبەتە کردن کە فەرەنسا و کوردستان عراق وەیەکەو بەسن، وەتایبەت باوەتەیل ئابووری، و هەمیش دووارە دووپات لە رکداری لەبان ئەنجامدان کۆنگرەی بەغداد کردن.