نێچیروان بارزانی چەویکەفێدە داوود ئۆغلۆ و دووپاتکەێد لە پاڵپشتی کوردستان ئەرا پرۆسەی ئاشتی لە تورکیا
شەفەق نیوز/ سەرۆک هەرێم کوردستان نێچیروان بارزانی، ئمڕوو پەنجشەممە، پیشوازی لە سەرۆک وەزیرەیل وەرین تورکیا و سەرۆک پارت ئایندەی تورکیا ئەحمەد داوود ئۆغلۆ و شاندەگەی یاوەری کرد.
لە بەیاننامەیگ سەرۆکایەتی هەرێم کە رەسیەس ئاژانس شەفەق نیوز هاتیە، لە دیدارەگە گفتوگو کریا لە پەیوەنی ناوەین تورکیا و عراق و هەرێم کوردستان وەرد بارودۆخ گشتی ناوچەوگە و داوود ئۆغلو سەردان شمارەیگ لە ناوچەیل عراق و کوردستان کرد.
لە ديدارەگە هەردوگ لا دووپاتکردن لە گرنگی پرۆسەی ئاشتی لە تورکیا، وە گامیگ مێژوویی دانانێ کە بایەت مقیەتی بوون لەهەمان وەخت دووپاتکردن هەوەجەکەێد پاڵپشتی گشت لایەنیگ بکرێد ئەرا مسۆگەرکردن سەرکەفتنی و وەجیهاوردن سەقامگیری.
سەرۆک هەرێم دووپاتکرد لەبان پاڵشتی ەرێم کوردستان وە تەواوی ئەرا پرۆسەی ئاشتی، ئامادهيى نيشان دا ئەرا گشت دەسمیەتیگ هەوەکریاگ لە سەرخستن پرۆسەگە.
هەمیش گفتوگوکردن لەبان گرنگی ئاشتی و ئارامی کە لە تورکیا و ناوچەیل هەس وەشیوەی گشتی، و هەوەجەکردن چارەسەرکردن دۆسیەیل لەریەیل ئاشتیانە.
لای خوەیشەو داوود ئۆغلۆ ستایش پەیوەنی وڵاتەگەی وەرد عراق و هەرێم کوردستان کرد، دووپاتکرد لەبان گرنگی ئەوزەڵداین وە دەسمیەتیە هاوبەشەیل لەبان بنەمای رێز و هاوبەشی گرنگەیل ئیرنگە و ئایندە.
