نێچیروان بارزانی و عەبدی دووپاتکردن لە گرنگی بەشداریکردن کورد و گشت پێکهاتەیل سوریا لە دەسەڵات
شەفەق نیوز/ سەرۆک هەرێم کوردستان نێچیروان بارزانی و سەرۆک هێزەیل سوریای دیموکرات ژنڕاڵ مەزلوم عەبدی دووپاتکردن لەبان گرنگی بەشداریکردن کورد و گشت پێکهاتەیل لە سوریا وە وەڕێوەبردن وڵات.
سەرۆکایەتی هەرێم ئمڕوو پەنجشەممە، لە بەیاننامەیگ راگەیان، سەرۆک نێچیروان بارزانی دویەکە چوارشەممە، لە هەولێر پیشوازیکرد لە ژنڕاڵ عەبدی، لە دیدارەگە باس ئەوزەڵکردنەیل بارودۆخ سوریا و پەیوەنی هازەیل سوریای دیموکرات و لایەنەیل سیاسی کوردلە سوریا وەرد حکومەت سوریا، ئاڵشتکردن دیدگایەیلیان لەباوەت رخداری تیرۆر و رویوەڕویبوین هەڕەشەیل داعش.
وەپای بەیاننامەگە هەردووگ لایەن دووپاتکردن لە گرنگی هاوبەشیکردن و بەشداریکردن کورد و گشت پێکهاتەیل سوریا لە دەسەڵات وڵات و وەڕیوەبردنی و مسۆگەرکردن مافەیل گشت لایگ، هەمیش هاوڕابوین لەبان کارەیل هاوبەش و دەسمیەتی ناوەین پێکهاتەیل سوریا ئەرا پاراستن ئاسایش و بیوەیی و رویوەڕویبوین رخداری و ئاڵنکارییەیل.
لە بەیاننامەگە وتیش "یەکڕیزی و تەبایی ناوەین هاز و لایەنەیل کوری لە سوریا بایەسە جویر گرەنتی ئەرا وەجیهاوردن داواکاری و مافەیل دەستوری کورد لەو وڵاتە، و بارودۆخ کامپ هول و هاوپەیمانەی ناودەوڵەتی لە سوریا ئەرا نواگیریکردن داعش تەوەریگ ترەک لە گفتوگویەیل دیدارەگە بوی".
