نێچیروان بارزانی وەگەرد باڵیۆز نوو ئەوروپا باس باوەت پەنابەری و کووچبەری کەێد
2023-10-11T13:37:28+00:00
شەفەق نیوز/ ئمڕوو چوارشەممە، نێچیروان بارزانی، سەرۆک هەرێم کوردستان، وەگەرد باڵیۆز نوو یەکێتی ئەوروپا لە عراق باس باوەت پەنابەرەیل و میکانیزمەیل ریگریکردن لە کووچ نایاسایی کرد، هازوەخت باڵیۆز نوو پوختەیگ لە پلانەیل ئایندەی خوەی لە ساڵ 2019 لە هەرێم کوردستان و عراق لە سێ بوار سەرەکی خستەڕوی. سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: “نێچیروان بارزانی، سەرۆک هەرێمی کوردستان، ئمڕوو چوارشەممە، پیشوازی لە تۆماس سەیلەر باڵیۆز نوو یەکێتی ئەوروپا لە عراق و شاند یاوەری کرد. ”
وتیش: "لە دیدارەگە بارزانی پیرووزبایی لە باڵیۆز نوو یەکێتی ئەوروپا لە عراق کرد و ئومید سەرکەفتن ئەرای خوازێد لە ئەرکەیلی و پاڵپشتی خوەی ئەرا کارکردن و هاوکاری وەرد یەکێتی ئەوروپا نشان دا".
لای خوەییش باڵیۆز یەکێتی ئەوروپا "خوەشهاڵی خوەی وە دیدار سەرۆک هەرێم و کارکردن لە عراق نشان دا، و پوختەیگ لە پلانەیل ئایندەی خوەی ئەرا کارکردن لە هەرێم کوردستان و عراق خستەڕوی، وەتایبەتی لە بوارەیل ئابووری، سەقامگیری، و ماف مرۆڤ”.
لە دیدارەگە باس لە “باوەت پەنابەرەیل و میکانیزمەیل ریگریکردن لە کووچ نایاسایی و چەن باوەتیگ ترەک کریا کە لەلای هەردوگ لایەنەگە گرنگە”.
