نێچیروان بارزانی وەگەرد باڵیۆز ڤەنزوێلا باس گەشەپیدان پەیوەندییەیل دووانی کەێد

شەفەق نيوز/ نێچیروان بارزانی سەرۆک هەرێم کوردستان، ئمڕوو سێشەممە، لە چەوکەفتنی وە  ئەرتورۆ ئەنيبال كاليگۆس راميريز باڵیۆز ڤەنزوێلا لەلای عراق، باس شیوەیگ پاڵپشتیکردن و گەشەپیدان پەیوەندییەیل ناوەین ڤەنزوێلا و عراق کرد.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس رەوشەیل گشتی لە عراق و هەرێم کوردستان کریا، و دویاترین نووەوبویەیل لە ناوچەی هەرێمی.

 بەیانامەگە وتیش: دووپاتیش لەبان گرنگی مقیەتیکردن ئارامی و ئاسایش لە ناوچەگە کریا، و گرنگی چارەکردن ناکۆکیەیل و باوەتەیل گیرهاتگ وە ریەیل ئاشتەوایی.