نێچیروان بارزانی و خانمە باڵیۆز ئەڵمانیا دووپات لەبان مقیەتیکردن ئارامی و ئاسایش ناوچەگە کەن
شەفەق نيوز/ نێچیروان بارزانی سەرۆک هەرێم کوردستان، ئمڕوو سێشەممە، پیشوازی لە كريستيانه هوفمان، خانمە باڵیۆز ئەڵمانیا لەلای عراق کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە دووپات لەبان گرنگی قایمکردن پەیوەندییەیل ناوەین ئەڵمانیا و عراق و هەرێم کوردستان کریا، و فراوانکردن چینەیل هاوکاری دووانی لە جویراجویر چینەیل.
وتیش: هەمیش باس رەوشەیل گشتی لە عراق و کوردستان، و تەقەلایل دروسکردن حکومەت نوو لە هەرێم کوردستان کریا، وەگەرد پەیوەندییەیل ناوەین هەولێر و بەغدا.
لەلاییگ ترەک لە دیدارەگە، هەردوگ لایەن باس گەشەیل لە ناوچەی خوەرهەڵات ناوڕاس، و رخداریەیل تیرۆر و وەردەوامی هەڕەشەیل ریخریاگ داعش، کە دووپات لە گرنگی مقیەتیکردن ئارامی و ئاسایش ناوچەگە و چارەکردن ناکۆکیەیل وەشیوەی ئاشتەوایی کردن.
هەردوگ لایەن باس رەوشەیل لە سوریا کردن، وەگەرد بڕیگ باوەت گرنگ لەلای هەردوگ لایەن.
