نێچیروان بارزانی و جیگر وەزیر دەیشت تورکیا باس رەوشەیل عراق و ناوچەگە کەن
شەفەق نيوز/ نێچیروان بارزانی سەرۆک هەرێم کوردستان، ئمڕوو جمعە، وەگەرد نوح يەڵماز، جیگر وەزیر دەیشت تورکیا، باس شیوەیل پاڵپشتیکردن هاوکاری هاوبەش لە جویراجویر چینەیل کردن.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی پیشوازی لە یەڵماز و شاند یاوەری کرد، و باس شیوەیل بەرزکردن پەیوەندییەیل ناوەین تورکیا و عراق و هەرێم کوردستان کرد، وەگەرد باسکردن لە ری گەشەپیدان، و دووپات لەبان گرنگی پاڵپشتیکردن هاوکاری هاوبەش لە جویراجویر چینەیل کردن، وەشیوەیگ دەسمیەتی لە پتەوکردن ئاسایش و ئارامی بکەێد، و گەشەپیدان لە ناوچەگە وەرە نوا بوەێد.
لە دیدارەگە، باس شیوەیل بەرزکردن پەیوەندییەیل ناوەین تورکیا و عراق و هەرێم کوردستان کریا، وەگەرد باسکردن لە پڕۆژەی ری گەشەپیدان.
پرس ئاشتی لە تورکیا باوەتیگ ترەک بوی لە دیدارەگە، کە سەرۆک نێچیروان بارزانی پاڵپشتیکردن هەرێم کوردستان ئەرا چگن وەی ریە دووارەو کرد، و هەردوگ لایەن دووپات کردن کە ئاشتی کاریگەری ئەرێنی فراوانیگ لە جویراجویر رەوشەیل لە ناوچەگە کردن، وەشیوەیگ ئاسوویگ وازتر ئەرا هاوکاری و گەشەپیدان دروس بکەێد.
هەردوگ لایەن باس رەوشەیل لە سوریا و دویاترین نووەوبویەیل هەرێمی کردن، وەگەرد چەن باوەتیگ گرنگ لەلای هەردوگ لایەن.
