نێچیروان بارزانی و باڵیۆز ئیتالیا دووپات لە گرنگی چارەکردن گرفتەیل هەولێر و بەغدا وەڕی گفتوگۆ کەن
2023-10-11T14:34:14+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، پیشوازی لە مازریتزیو کریکانتی باڵیۆز ئیتالیا لەلای عراق و شاند یاوەری کرد.
لە دیدارەگە باس دویاترین نووەوبویەیل ئەمنی و سیاسی لە عراق و ناوچەگە و خوەرھەڵات ناوڕاس و باوەت بودجە و گرفتەیل ناوەین هەولێر و بەغدا و رەوش ناوخوەیی هەرێم کوردستان و چوینیەتی چارەکردنیان کردن.
هەردوگ لایەنەگە هاوڕا بوین کە گرفتەیل هەولێر و بەغدا بایەسە وەڕی گفتوگۆ وەگورەی دەستوور عراق فیدراڵی بکریەێد، و جەخت لە گرنگی یەکڕزی لایەنەیل سیاسی لە هەرێم کوردستان کردن.
پەیوەندیەیل ئیتالیا وەگەرد هەرێم کوردستان و عراق و کار و چالاکیەیل باڵیۆزخانەی ئیتالیا وەتایبەت لە دراوردن نەفت و چەن باوەتیگ ترەک کە لەلای هەردوگ لایەنەگە گرنگە، باوەتەیل ئەو دیدارە بوین.
