نێچیروان بارزانی و بەرهەم ساڵح باس دروسکردن حکومەت هەرێم کوردستان کەن
شەفەق نيوز/ نێچیروان بارزانی سەرۆک هەرێم کوردستان، ئمڕوو چوارشەممە، وەگەرد بەرهەم ساڵح سەرۆک وەرین کۆمار عراق، باس گامەیل دروسکردن حکومەت هەرێم کوردستان کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، پیشوازی لە بەرهەم ساڵح سەرۆک وەرین کۆمار وەرین عراق کرد، و لە دیدارەگە باس رەوشەیل ناوخوەیی لە هەرێم کوردستان، و تەقەلایل دروسکردن کابینەی وەزارەتی نوو لە حکومەت هەرێم کوردستان کریا.
بەیانامەگە وت: هەمیش باس رەوش گشتی لە عراق و دویاترین نووەوبویەیل هەرێمی کریا، وتیش؛ هەردوگ لایەن دووپات لە گرنگی زویکردن لە دروسکردن حکومەت هاتگ کوردستان کردن، و گرنگی پاڵپشتیکردن لەیەکفامسنن و هەماهەنگی ناوەین لایەنەیل سیاسی لە عراق و هەرێم کوردستان، وەشیوەیگ خزمەت ئارامی وڵات و بەرژەوەنیەیل هاوڵاتیەیل بکەێد.
