نێچیروان بارزانی لەباوەت فڕەداین چەک پەکەکە: گامیگ گرنگە ئەرا چەسپانن ئاشتی
شەفەق نيوز- هەولێر
نێچیروان بارزانی سەرۆک هەرێم کوردستان، ئمڕوو جمعە، پیشوازی کرد لە دەسپێخەری پەکەکە لە وازهاوردن لە چەک، و وە گامیگ گرنگ ئەرا چەسپانن ئاشتی زانستەی.
بارزانی لە بەیاننامەیگ رەسیە ئاژانس شەفەق نیوز وت: پیشوازی لەو گامە کەیمن کە ئمڕوو پەکەکە پێشکەشی کرد وە وەدەسداین چەک، لەناو رسوومەیل فەرمی، وە ئامادەبوین نوێنەرەیل حزب دادپەروەری و ئەوزەڵدان، و نوێنەرەیل هەرێم کوردستان، وەگەرد بەشیگ لە سیاسەتمەدار و کەسایەتیەیل گشتی، و دامەزراوەیل راگەیان تورکیا، کە لە هەرێم کوردستان وەڕیەو چگ.
وتیش: ئی گامە قۆناغیگ گرنگ و مزگانیدارە لە ری چەسپانن پرس ئاشتی، و ئیمە باوەڕ دیریمن کە ئی گامە ئەوەسا زەمینە سازێد ئەرا گام نوویگ لەی پرسە، و وەرەونواچگن نوویگ دروس کەێد وەبان ریە راسایەگە وەرەو نووا.
بارزانی دووپاتیش کرد کە وەی بوونە، دووارە دووپات لە پابەندبوین تەواو خوەمان کەیمن وە وەردەوامی پیشکەشکردن گشت جویرەیل پاڵپشتی و پشتگیریکردن ئەرا سەرکەفتن پرس ئاشتی، و ئیمە، جویر هەمیشە، ئامادەیمن ئەرا پیشکەشکردن هەر چشتیگ خوازیاگ لە پشتگیریکردن و ئاسانکاری و جیوەجیکردن هەر ئەرکیگ لە ئیمە داوا بکریەێد.
سەرۆک هەرێم کوردستان، دیاری کرد کە ئی قۆناغە لە پرس ئاشتی لە وەختیگ تیەێد ناوچەگە وە رەوش هویرد و ناسکیگا رەد بوود، و لە گشت لایەنەیل خوازێد گشت رەنجیگ بیەن ئەرا سەرکەفتن ری ئاشتی، کە گشتی لە ئاشتی برای یەکن، و سەرکەفتن ئی کارە کەفێدە خزمەت تورکیا و ناوچەگە وەگشتی و گشت لایەنەیل پەیوەندیدار.
بارزانی دووارە سوپاس رێزی لە رەجەب تەییب ئەردۆگان سەرۆک تورکیا کرد، ئەرا دەستپێشخەری و پشتگیری و تەقەلایلی ئەرا سەرکەفتن پرس ئاشتی، هەمیش وە رێزیگ دەسخوەشی لە رۆڵ هەرلە خانم باهجڵ لی، و عەبدولڵا ئۆجەلان ریبەر پەکەکە کرد، و هەر کەسیگ دەسیگ لە وەجیهاوردن ئاشتی داشت.
ئمڕوو جمعە، دەیان لە جەنگاوەرەیل پەکەکە، لە دوو رەگەز ژن و پیاو، لەناو ئەشکەفت جاسنە لە ناوین قەزای دوکان و شار سلێمانی، چەکەیل خوەیان ئاگر دان، جویر گامیگ سەرەتایی وەرە بیچەککردن حزبەگە، و کۆتاییهاوردن وە جەنگ سەربازی، و رویکردن وەرەو کار سیاسی لە تورکیا.
