نێچیروان بارزانی سەرەخوەشی وە رویداو کوشیان سەربازەیل تورکیا لەناو ئەشکەفتەیل کوردستان کەێد
شەفەق نيوز- هەولێر
نێچیروان بارزانی سەرۆک هەرێم کوردستان، ئمڕوو سێشەممە، سەرەخوەشی لە تورکیا و بنەماڵەیل ئەو سەربازەیلە کرد کە لەی دویاییە وە رویداویگ لەناو یەکیگ لە ئەشکەفتەیل لە ناوچەیل کویەیی لە هەرێم کوردستان گیانیان لەدەسدان، ئەوەیش لە پەیامیگ فەرمی ئەرا یەشار ئۆغڵو وەزیر وەرگری تورکیا کلیکرد.
بارزانی لە پەیامەگەی، وەگورەی بەیاننامەیگ لە سەرۆکایەتی هەرێم کوردستان کە رەسیە ئاژانس شەفەق نیوز، هاوخەمی خوەی لەی کەلەمەی زیاندارە وەرد تورکیا نشان دا، و ئارەزوو خاسەوبوین زویوەزوی ئەرا زەخمدارەیل داشت.
سەرۆک هەرێم کوردستان دووپات لە گرنگی وەردەوامی هاوکاری هاوبەش ناوەین دوو لایەن کرد، وەشیوەیگ دەسمیەتی بەێد لە پتەوکردن ئاشتی و مقیەتیکردن ئاسایش و ئارامی ناوچەگە.
وەزارەت وەرگری تورکیا، راگەیان کە ئامار رویداو ژەهراوبوین سەربازەیل تورک ئەرا هەشت کوشیان بەرزەو بوی، ئەوەیش دویای هەڵمژین گاز میسان مەوقەی وەشکین لەناو ئەشکەفتیگ لە هەرێم کوردستان.
