نێچیروان بارزانی: زیاتر لە دوو ملیۆن ئاوارە لە جەنگ داعش هاتنە ناو هەرێم کوردستان
شەفەق نيوز/ نێچیروان بارزانی سەرۆک هەرێم کوردستان، ئمڕوو چوارشەممە، دووپات کرد کە فرەیی ئاینەیل بویە نموونەیگ زنی ئەرا وەیەکەوژیان ئاشتیانە لە هەرێم کوردستان.
ئەوەیش لە وتاریگ هات کە لە رسوومەیل رووژ نماز نیشتمانی پیشکەشی کرد، لە ژیر دروشم وەرەو یەکخستن لە باوەڕ، کە لە شار هەولێر پایتەخت هەرێم کوردستان وەڕیەو چگ.
سەرۆک نێچیروان بارزانی لە وتارەگەی وت: کەلتوور وەیەکەوژیان و ئەوەکە قبووڵکردن بویە نەرێنیگ لە کوردستان کە وەبانی ری کریەێد.
وتیش: زیاتر لە دوو ملیۆن ئاوارە لە ماوەی جەنگ دژوە داعش لەو ناوچە و شارەیل عراقەو ئەرا هەرێم کوردستان هاتن.
سەرۆک هەرێم ئومید خوەی نشاندا کە رووژ نماز نیشتمانی بوودە رسوومیگ ساڵانە ئەرا قایمکردن کەلتوور وەخشین، و ئەوەکە قبووڵکردن، و یەکەوژیان ئاشتیانە، و دەسمیەتی بەێد لە فراوانکردن پێەڵەیل دڵنیایی لەناو مەردم، و بوودە دەنگیگ ئەرا ئەوانەگ باوەڕ وە ئاشتی دیرن.
