نێچیروان بارزانی پیرووزبایی لە عەلی باپیر کەێد وەبوونەی هەڵوژاردنی جویر سەرۆک کۆمەڵەی دادپەروەری کوردستان
شەفەق نيوز- هەولێر
نێچیروان بارزانی سەرۆک هەرێم کوردستان، ئمڕوو یەکشەممە، پیرووزبایی لە عەلی باپیر کرد وەبوونەی هەڵوژاردنی جویر سەرۆک کۆمەڵەی دادپەروەری کوردستان.
بارزانی لە بەیاننامەیگ رەسیە ئاژانس شەفەق نیوز وت: راسگووترین پیرووزبایی لە بەڕێز عەلی باپیر کەم وە بوونەی هەڵوژاردنی جویر سەرۆک کۆمەڵەی دادپەروەری کوردستان، و وە سەرکەفتن کۆنگرەی دویایینیان، هەمیش پیرووزبایی لە سەرکردایەتی نوو و گشت ئەندام و لایەنگر و جەماوەریان کەم، ئومید سەرکەفتن هەمیشەیی ئەرایان خوازم.
وتیش: وەگشت رێزیگ دەسخوەشی لە رۆڵ بەڕێز عەلی باپیر و کۆمەڵەی دادپەروەری کوردستان کەم لە ژیان سیاسی هەرێم کوردستان و عراق، و لە دەرفەت ئی بوونە دووپات کەم لە گرنگی لەیەکفامسنن و یەکخستن ناوەین هیزەیل سیاسی و پێکھاتەیل لە کوردستان کەم، تا وەگشتمانەو بتوەنیمن خزمەتیگ خاستر ئەرا ئیرنگە و بانان کوردستان پیشکەش بکەیمن.
