نێچیروان بارزانی پیروزبایی جەژن نەوروز کەێد و دووارە دووپات کەێد لە پابەندبوین وە دەستوور لە رەفتارکردن وەرد بەغداد
شەفەق نیوز/ سەرۆک هەرێم کوردستان، نێچیروان بارزانی، ئمڕوو پەنجشەممە، پیرۆزبایی لە گەل کورد کرد لە هەر شوینیگ جیهان بون، وەبوونەی جەژن نەوروز و سەر ساڵ کوردی، دوارە دووپاتکرد وە پابەندبوین وە دەستوور لە پەیوەنی وەرد حکومەت فیدڕاڵی، و چارەسەرکردن گیچەڵەیل لەری گفتوگوکردن و هاوکاری بوود.
نێچیروان لە بەیاننامەیگ رەسیە ئاژانس شەفەق نیوز راگەیان، "جەژن نەوروز نەتەوەیی و سەرساڵ نوو کوردی لە تەواو نەتەوەیل کورد و هەر کوردیگ لە هەر کوردیگ جیهان بوود ، هەمیش لە گشت گه‌ل كوردستان وه گشت پێکهاتەیلی پیرۆز کەم. وە گەرمی پیرۆزبایی لە خانەوادەی سەربەرز شەهیدەیل و له پێشمه‌رگه قاره‌مانه‌یل و هێزه ئه‌منييه‌یل کەم، هيوادارم گشتمان جه‌ژنیگ خوەش و ئارام وەسەر بوەن و جه‌ژن كامه‌رانى و ئاسووده‌يى بوود".
وت؛ "نەوروز هێمای ئازادی و نووەوبوینە و ژيانه‌وه‌س، جه‌ژن هيوا و ئیراده و هەڵسیانەپا و خوەڕاگری و نوڕینە ئەرا ئایندەیگ خاستر، هەرجویر چوین مه‌شخه‌ڵ نه‌وروز وه درویژایی مێژوو سه‌رچاوه‌ی ئیلهام بویه ئەرا گه‌ل كوردستان، ئمڕووش بانگه‌وازیگ نووە ئەرا یه‌كڕیزی و لێكفامستن و هاوكاری له‌پێناو پاراستن ماف و ده‌سكه‌فته ده‌ستوورییه‌گان و فيدراڵى و قه‌واره‌ی سیاسيی هه‌رێم كوردستان".
وتیش، " جەژن نەوروز لە وەختیگتێدەو کە ناوچەگە و جیهانیش لە دۆخیگ هەستیارن، رەدکردن ئەو ئاڵنکاریەیلە رویوەرویمان بوود، هەوەجە وە کار هاوبەش و گفتوگوی بنیاتنەر لايه‌نه سياسييه‌گان و پێكهاته‌یلە له ناوخوەی هه‌رێم كوردستان و وەرد به‌غدا، ئەرا دڵنیابوین له سه‌قامگیری و به‌هێزكردن دیموكراسی و دادپه‌روه‌ری و مافه‌یل مرۆڤ".
دیاریکرد،" ئاشتی و ئاشتيخوازى ئەرا کورد و گه‌ل كوردستان گەپترین هاز و خاسترین رێبازە، وەی مدووە لە کورد و كوردستانييان داواکەم، باوەڕ و رێباز ئاشتیخوازانەیان بەهێزتر بکەن. داواگان گه‌ل كوردستان فرە رەوان، ئاشتی زەمینەیگ فرە له‌بارە ئەرا رووشنبوین داواگان خەێدەوەردەس، ئاشتیخوازی، پرس کورد لە جیهان زیاتر وەرەونوابەێد. ئیرنگە تەوژمیگ ئەرا دروسبوینی ئاشتی له سیاسەت جیهان هەس، لە بەرژەوەنيی گه‌ل كوردستانە جویر گه‌لیگ ئاشتیخواز وەرد ئەو تەوژمە بوود".
وتیش؛ "ئیمە لە هەرێم کوردستان باوەڕمان وە کولتوور و بەهاگان وەردیەک ژیان ئاشتیانە و لێبوردەیی و یەکترقبولکردن دیریمن، هەرێم کوردستانهەمیشە وە فاکتەر
ئارامى و سه‌قامگیری له ناوچه‌گە مینێد و ده‌س دوسانە و هاوكاری ئەرا گشت پێكهاته‌یل عراق و وڵاتەیل ناوچه‌گه و جیهان درویژکەێد، له‌پێناو داهاتوویگ كه لەناوی ئاشتی و سه‌قامگیری و گه‌شه‌سه‌نن ئەرا گشتمان باڵاده‌س بوود و ژيان و شكۆ و مافه‌یل گشت لایگ پارێزرا بوود".
دیاریکرد "ئیمە وەرد حکومەت فیدرالی عراق، جاریگ ترەک پابه‌نديی خوەمان وه ده‌ستوور جویر بنه‌مایگ ئەرا چاره‌سه‌ركردن گشت ناكۆكییە گان وە گفتوگو و لەێەکفامستن هاوبه‌ش دووپات کەیمن. سه‌قامگیری و گه‌شەوبوین و پیشکەفتن عراق، وه رێزگرتن له مافه ده‌ستوورییه‌گانی گشت پێكهاته‌كانی و وه جێبه‌جێكردنی راسته‌قينه‌ى سيستم فیدراڵييه‌وه بەسیاس".
دووپاتکرد، "ئیمە لە نزیکەو خەوەردار لەسەختەیل و دۆخ ژيان و گوزه‌ران هاووڵاتیيان كوردستانين. دووپاتکەیمن كه خاستركردن بارودۆخ ژیانیان كارى له‌پێشینه‌ی سه‌ره‌كیی گشت دامه‌زراوه‌یل هه‌رێم كوردستانه. وەرد هاتن نەوروز، هیواگان نووەو کەین کە ئێ سه‌ختییەیلە رەدبوون، كۆڵ نیەدەین و وه هيوا و ئومێده‌و وەردیەک وەرەو ئایندەیگ خاستر گامنەیمن".
