نێچیروان بارزانی ئەرا وەزیر وەرگری ئیستۆنیا ئامادەیی کوردستان ئەرا وەردەوامی لە هاوکاری هاوبەش وەرد وڵاتەگەی دووپات کەێد
شەفەق نيوز- هەولێر
نێچیروان بارزانی سەرۆک هەرێم کوردستان، شەوەکی ئمڕوو چوارشەممە، چەوی کەفتە هانو پيفكور وەزیر وەرگری ئیستۆنیا و شاند یاوەری.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس پەیوەندییەیل ناوەین ئیستۆنیا و عراق و هەرێم کوردستان کریا، وەتایبەت لە چین هاوکاری ئەمنی و وەرگری، و رۆڵ ئیستۆنیا لەناو هاوپەیمان ناودەوڵەتی لە جەنگ دژوە داعش.
سەرۆک نێچیروان بارزانی سوپاس و رێزی ئەرا پشتگیریکردن و پاڵپشتیکردن ئیستۆنیا ئەرا عراق و هەرێم کوردستان پیشکەش کرد، وەتایبەت لە نواگیریکردن تیرۆر، و دووپات لە ئامادەیی هەرێم کوردستان کرد ئەرا وەردەوامبوین لە هاوکاری هاوبەش وەرد ئیستۆنیا لە گشت چینەیل.
لەلای خوەییش، وەزیر وەرگری ئیستۆنیا دووپات لە ئارەزوو وڵاتەگەی کرد ئەرا فراوانکردن ئاسووەیل پەیوەندییەیل و پاڵپشتیکردن هاوکاری دووانی وەرم عراق و هەرێم کوردستان، و ئافەرین لە رۆڵ هەرێم کوردستان کرد لە جەنگ ریخریاگ داعش و نواگیریکردن تیرۆر.
لە دیدارەگە باس پەیوەندییەیل ناوەین هەولێر و بەغدا، و رەوش سوریا، و دویاترین نووەوبویەیل ناوچەی خوەرھەڵات ناوڕاس کریا، وەگەرد بڕیگ باوەت گرنگ لەلای هەردوگ لایەن.
