نێچیروان بارزانی جەژن ئەکیتۆ پیرۆزکەێد، کوردستان پابەندبوینی وە پێکهاتەیل نووەو کەێد

شەفەق نیوز/ سەرۆک هەرێم کوردستان نێچیروان بارزانی، ئمڕوو سێشەممە، وەبوونەی سەر ساڵ نوو بابلی ـ ئاشووری    6775 پیرۆزبایی جەژن ئەکیتۆ کرد.

سەرۆک نێچیروان بارزانی لە بەیاننامەیگ پیرۆزبایی وت، "جەژن ئەکیتۆ بوونەیگ مێژوویی کوەنەی شارستانی بەهادارە، قویڵایی ریشگ کولتووری و مرۆیی یەکگ لە کوەنترین پێکهاتەیل ناوچەگەمان نیشان دەێد مقیەتی لە فرەڕەنگیەیل کردیە".

لەی بوونەو جاریگ ترەک هەرێم دووپاتکەێد لە "پابەندی هەمیشەییان ئەرا پاراستن ماف و ئازادیەیل و ئەوزەڵداین وە  كولتوور فره‌ڕه‌نگى و پێکەوەژیان ئاشتییانە و لێبورده‌يى و يه‌كترقبووڵكردن لەناوەین گشت پێکهاتە ئایینی و نەتەوەییەگان كوردستان کەینەو".

سەرۆک  هەرێم وتیش، با ئمساڵ  جەژن ئەکیتۆ دەرفەتیگ نوو بوود ئەرا پتەوکردن و قایمکردن دوسی و ژیان هاوبەش و رێزگردن لەناوەین گشت پێکهاتەیل گەل کوردستان، هەمیش سەرچەوەی هیوایگ بوود ئەرا بانانیگ خاستر پڕ لە ئەوزەووکردن و ئارامی و ئاسوودەیی ئەرا گشتی".