نێچیروان بارزانی باس باوەت سوریا و پرس ئاشتەوایی لە تورکیا وەرد باڵیۆز ئیتاڵیا لە عراق کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، وەگەرد نیکۆلۆ فونتانا باڵیۆز ئیتاڵیا لە عراق، باس گەشەیل دویایین لە ناوچەگە وەتایبەتی سوریا و پرس ئاشتەوایی لە تورکیا کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی، پیشوازی لە نیکۆلۆ فونتانا باڵیۆز ئیتاڵیا لە عراق کرد، و وەگەردی باس پەیوەندییەیل ناوەین ئیتاڵیا و عراق و هەرێم کوردستان کرد، هەمیش وەگەرد ێەزیەیل لە هەرێم کوردستان و عراق و دویاترین گەشەیل ناوچەگە.
وتیش: هەردوگ لایەن دووارە دووپات لە ئارەزوو دوو لایەن لە پاڵپشتیکردن پەیوەندییەیل دووانەی و فراوانکردن شیوەیل هاوکاری هاوبەش لە جویراجویر چینەیل، و بارزانی باس وەردەوامب تەقەلایل ئەرا دروسکردن کابینەی حوکومەتی نوو لە هەرێم کوردستان کرد.
دیاری کرد کە لە دیدارەگە باس رەوشەیل لە سوریا، و تەقەلایل پرس ئاشتەوایی لە تورکیا کریا، وەگەرد بڕیگ باوەت گرنگ لەلای هەردوگ لایەن، وە ئامادەبوین قونسوڵ گشتی ئیتاڵیا لە هەرێم کوردستان.
