نێچیروان بارزانی بەشداری کەێد لە کۆڕبەند دیبلۆماسی ئەنتاڵیا
شەفەق نیوز/ بڕیارە نێچیرڤان بارزانی، سەرۆک هەرێم کوردستان بەشداری لە کۆڕبەند دیپلۆماسی ئەنتاڵیا بکەێد، کە شەوەکی ئمڕوو جمعە دەسوەپی کرد.
کۆڕبەندەگە وە سەرپەرشتی فەرمی رەجەب تەیب ئەردۆغان، سەرۆککۆمار تورکیا و لەلایەن وەزارەت دەیشت تورکیا وەڕیەو چوود، لەژیر دروشم "بەرزگردن دیپلۆماسی لە جیهانیگ بەشەوکریای".
کۆڕبەندەگە تا ماوەی سێ رووژ وەردەوام بوود، لە ١١ تا ١٣ی نیسان و نزیکەی ٤ هەزار میوان لە ناو و دەیشت تورکیا بەشداریی کەن، کە ٢٠ سەرۆک دەوڵەت و حکومەت، ٥٠ وەزیر دەیشت، ٧٠ وەزیر ترەک وڵاتەیل جویراجویر، و ٦٠ نوێنەر باڵای ریخریاگە ناودەوڵەتییەیل.
نێچیرڤان بارزانی، سەرۆک هەرێم کوردستان یەکیگە لەو 20 سەرکردە کە حکومەت تورکیا وە فەرمی مکیسی ئەرا ئەو کۆڕبەندە کردگە.
بەرنامەی کۆڕبەندەگە ٥٢ سیمینار و دانیشتن دیالۆگ هاناوی، لەو ماوە پرسە گرنگە ناودەوڵەتییەیل جویر ئاڵشتبوین کەشوهەوا، نواگیریکردن تیرۆر، ئاسایش خوەراک، و زیرەکی دەسکرد باس کریەن.
ئیوارەی دویەکە پەنجشەممە، فوئاد حسێن جیگر سەرۆک وەزیرەیل و وەزیر دەیشت عراق ئەرا بەشداریکردن لە خول چوارەم کۆڕبەند دیپلۆماسی ئەنتاڵیا (ADF2025) رەسیە شار ئەنتاڵیا لە تورکیا.
