نێچیروان بارزانی یاد پەلاماردانەگەی زانکۆی سلێمانی و قەڵادزێ کەێد وە "تاوانیگ دڕندانە" وەسفی کەێد
شەفەق نیوز/ سەرۆک هەرێم کوردستان نێچیروان بارزانی، ئمڕوو پەنجشەممە، یاد پەلامارەگەی زانکۆی سلێمانی و قەڵادزێ وەلایەن رژێم وەرین لە هەفتاگان سەدەی وەرین کرد.
وەی بوونەو سەرۆک لە بەیاننامەیگ راگەیان "ئمڕوو یاد خەمناک ساڵیاد پەلامارەگەی زانکۆی سلێمانی و شار قەڵادزێ کەیمن كه ٢٤ی نیسان ١٩٧٤ لە تاوانیگ دڕندانە رژێم وەرین عراق و له تەقەلایگ بێهودە ئەرا شکانن ئیرادەی گەل کوردستان و بزووتنەوە رزگاریخوازەگەی، دەیان خوەنەوار و ماموستا و هاووڵاتی شەهید بوین".
وتیش؛ ئێ تاوان سامناكه، لاپەڕەی ترەک ئازاربەخش مێژوو کوردستان بوی، باوجینەتوەنست ئیرادەی گەل لاواز بکەێد، بەڵکم گوڕوتین ئەرا وەردەوامی خەبات و کوشان لەپێناو ئازادی پتەوترکرد.
نێچیروان بارزانی وتیش؛ "دوارە دووپاتکەیمن لە پابەندبوین وە خزمەتکردن ناوچەیل پشدەر و قەڵادزێ، کە هەردووگیان هێمای خەبات نشتیمانین، قوربانی فرەیگ دانە لە پێناو پاراستن کوردستان.
لە کۆتایی بەیاننامەگە وت: "وەرپرسیارەتی گشتمانە کاربکەین لەپێناو ئایندەیگ خاستر مەردم ناوچەگە، و کوردستان وە گشتی، وەفاداربویمن وە قوربانیدانیان".
