نێچیروان بارزڵنی پیرۆزبایی 63 ساڵەی دامەزرانن یەکێتی ماموسایەیل کەێد
شەفەق نیوز/ سەرۆک هەرێم کوردستان نێچیران بارزانی، ئمڕوو پەنجشەممە، پیرۆزبایی لە ماموسایەیل و هەرێم کرد وەبوونەی یاد شەست و سێ ساڵەی دامەزرانن یەکێتیەگەیان، دووپاتکرد لەبان تەقەلا وەردەوامەیل ئەرا دابینکردن زندگیگ شایستە کە هاوتا بوود وەگەرد دۆخ ئێ بەشە.
بارزانی لە پیرۆباییگ رەسیە ئاژانس شەفەق نیوز وت "پیرۆزبایی لە گشت ماموسا بەرێزەیل سکرتارییەت یەکێتیی مامۆستايان کەم، هیوای سەرکەفن و پێشکەفتن وەردەوام ئەرایان خوازم.
وتیش "پەیام بەرز و ڕۆڵ ماموسایەیل لە رەسانن نەوەیل بەرز نرخنیم و گشت تەقەلایگ لەپێناو دابینکردن ژیانیگ شایستە ئەرایان دەین کە وەگەرد پێگەی پەروەردەیی و نیشتمانیيان بگونجێد. ورهردهوام بویمن له كاركردن ئەرا دابینکردن ژینگەیگ فێرکردن گونجیاگ و هاوچەرخ كه وەبەرهێنانیگ ڕاستەوخوەی لە ئایندە کوردستان"..
بارزانی دووپاتکرد "مامۆستایەیل پێشهنگ و کۆڵەکەی سەرەکي بنیاتنان کۆمەڵگەن و گەرەنتيی پەروەردەکردن مرۆڤ هۆشیارن كه شانازى وه ناسنامهگەیان کەن، لە گشت قۆناغەیل دڵسۆزییان چەسپانییە، ههر لە گۆڕەپانەیل خەباتهو تا هۆڵهیل خوەنستن، هەمیشە پارێزەر هۆشیار و زمان و بەهاگان بوین، رۆلیان لە وەردەواميى پرۆسهى فێرکردن لە سەختترین هەلومەرج، جى رێز و پێزانينه.
لە کۆتایی وتیش "دهسخوەشى له یەکێتيی مامۆستایان کوردستان کەیمن ئەرا نوێنەرایەتیکردن توێژ مامۆسایەیل و بەرگریکردن لە مافەیلیان. وە رێزەوە قوربانیدان ئەو ماموسایەیلە تیاریمنە هویر کە گیانیان ئەرا ئازادی بخشین، و سەلام ئەرا گشت ئەو ماموسایەیلە وە دڵسزوزی لەخوەی بووردەیی ئەرکەیل پیرۆزیان جیوەجی کەن.
