نێچیرڤان بارزانی: قەوارەی بازرگانی ناوەین عراق و ئیمارات نزیکەی 30 ملیار دۆلارە
شەفەق نیوز/ نێچیرڤان بارزانی، سەرۆک هەرێم کوردستان، ئمڕوو سێشەممە راگەیان کە بڕ قەوارەی ئاڵوگۆڕی بازرگانی ناوەین عراق و ئیمارات رەسیە 30 ملیار دۆلار، یەیش خواستی نشان دەێد ئەرا زیایکردن بەرهەمهاوردن ئیماراتی لە پرۆژەیل هەرێم.
ئەوەیش لە لێدوانیگ هات کە ئمڕوو لە ئەبوزەبی لە پەراویز سەردانەگەی ئەرا دەوڵەت ئیمارات عەرەبی ئەرا رووژنامەنویسەیل.
سەرۆک هەرێم کوردستان وت؛ "دویەکە دیداریگ دویرودرویژ و فراوان وەگەرد سەرۆک ئیمارات شێخ محمد بن زاید ئال نهەیان ئەنجامدام و تویەنم بویشم ئیمارات وە گشت جددی و دڵسووزییەگ گشت تەقەلایگ دەێد ئەرا وەرەونوابردن بەرهەمهاوردن وەرد هەرێم کوردستان، لەی چوارچیوە ئەگەر ئەوە هەس شاندیگ تایبەت خوەیان ئەرا هەرێم کوردستان کلبکەن"، وتیش: "یە گامیگ گەورەس لەو رویە، هاتێ فرە وەیزویە ئی شاندە وە فەرمی ئاشکرا بکریەێد، یەیش گامیگ گەورەس و نشانەس ئەرا ئەوە کە ئیمارات خوازێد بەرهەمهاوردنیگ گەورە لە هەرێم داشتوود، و لەو ریەو ئەرا عراق".
بارزانی لە درویژەی قسەیلی وتیش: "بڕ قەوارەی ئاڵوگۆڕی بازرگانی ناوەین عراق و ئیمارات وە هەرێم کوردستانیشەو رەسیەسە نزیکەی 30 ملیار دۆلار"، دووپاتیش کرد کە "ئامانج ئیمە لە هەرێم زیایکردن شمارەی بەرهەمهاوردن ئیماراتیە لە پڕۆژەیل لە کوردستان".
