نێچیرڤان بارزانی: سەردان پاپا ئەوەسا دەریگ جهانی فراوانتر لە روی عراق و هەرێم واز کەێد
شەفەق نیوز/ نێچیرڤان بارزانی سەرۆک هەرێم کوردستان، دویای نیمەڕو ئمڕوو سێشەممە، پێشوازی لە نەزار خەیرولڵا جینشین کۆنەی وەزارەت دەرەوەی عراق کرد، سەرۆک دەسەی باڵای ئامادەکاری ئەرا سەردانەگەی پاپای ڤاتیکان ئەرا عراق و هەرێم کوردستان.
سەرۆکایەتی هەرێم لە بەیاننامەیگ وت: خەیرولڵا باسیگ لە ئامادەکاریەکان و بەرنامەیل سەردانەگە ئەرا سەرۆک نێچیرڤان بارزانی کرد، و باس لە ئاسوودەیی لە هاوکاری و هەماهەنگی لەناوبەین لایەنە پەیوەندیدارەکان لە حکومەت فیدڕاڵی و هەرێم کوردستان کرد، و دووپات کرد ک ریکارەکان لە عراق و هەرێم کوردستان وەو شیوە جیوەجی کریان ک وەگەرد ڤاتیکان لەبانی رێککەفتن بوی و هەردوگ لایەنەگە لەی باوەتە وەردەوامن لە هەماهەنگی و پەیوەندی.
لەلای خوەییش بارزانی باس سەردانەگەی پاپا ئەرا عراق و هەرێم کوردستان وە مێژووی باس کرد، ک ئەوەسا دەنگدانیگ جهانی پەیا کەێد، و هەمیش دەسخوەشی لە رەنجەیل خەیرولڵا کرد و پیروزی لە هاوکاری و هەماهەنگی لەناوبەین تیمەیل ئامادەکاریەکان ئەرا سەردانەگە لە هەولێر و بەغداد کرد.
سەرۆک هەرێم کوردستان نشان پەیام و گرنگی سەردانەگەی پاپا ئەرا عراق و هەرێم کوردستان دا، ک ئەوەسا دەریگ جهانی فراوانتر لەروی عراق و هەرێم کوردستان واز کەێد، ک خوەی شایی دڵخوەشی گشت پێکهاتەیلە، ودەرفەتیگە ئەرا قویلەوکردن کەلتوور پێکەوەژیان لەناوبەین گشت پێکهاتەکانە.
