نێچیرڤان بارزانی: توێنیمن لە ئەزموون سەرکەفتگ هۆڵەندا لە کشتوکاڵی سوودمەن بویمن
شەفەق نیوز/ نێچیرڤان بارزانی سەرۆک هەرێم کوردستان، ئمڕوو یەکشەممە، هان كەرت تایبەت لە هۆڵەندا دا ئەرا بەرهەمهاوردن لە کەرت کشتوکاڵی لە هەرێم.
ئەوەیش لە چەوپیکەفتنەگەی وەگەرد هانی ئەکربوم قونسڵ گشتی هۆڵەندا لە هەرێم کوردستان هات، وەگورەی بەیاننامەی سەرۆکایەتی هەرێم.
بەیاننامەیگ لە سەرۆکایەتی هەرێم کوردستان وت: لە چەوپیکەفتنەگە باس پەیوەندیەگان لەناوبەین هەرێم و هۆڵەندا کریا، و پشتگیری لە هاوهارکی ناوبەین هەردووگلا، وهەمیش هاوکاری لە کەرت تایبەت، و کشتوکاڵی وەتایبەت، وهەمیش لە مەترسیەیل تیرۆر، و پەتای کۆڤید-١٩ و رەوش ناوچەگە وەشیوەیگ گشتی.
نێچیرڤان بارزانی دووپاتکرد لە ئارەزوو هەرێم کوردستان لە گەشەکردن پەیوەندیەگان وەگەرد هۆڵەندا، وەتایبەت لە چین کشتوکاڵی وخوەنەواری زانکۆیی، و توانای سوودگردن لە ئەزموون سەرکەفتگ هۆڵەندا لەی چینە، لە هەسی دەرفەت خاسیگ و زەمینەی گونجیاگیگ ئەرا گەشەکردن کەرت کشتوکاڵی لە هەرێم کوردستان، لەری کەرت تایبەت هۆڵەندا و خاوەن سەرمایەگان.
لەلای خوەییش، قونسڵ هۆڵەندا دووپاتکرد لە پشتگیری وڵاتەگەی ئەرا بتەوکردن پەیوەندیەگان وەگەرد هەرێم کوردستان.
