مردن و زەخمداری 6 کەس وە رویداو هاتوچو لەهەولێر
شەفەق نیوز/ وەڕێوەبرایەتی وەرگیری شارستانی هەولێر، ئمڕوو دووشەمە، مردن کەسیگ و زەخمداری پەنج کەس راگەیان وە رویداو هاتوچو لە هەولێر.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان، رویداویگ هاتوچو لە ساعەت 3:30 شەفەق لەجادەی 100 مەتری هەولێر رویدایە و لەدویای ئاگادارکردن لە رویداوەگە هێزیگ سەر وە کپەوکردن و فریاکەفت وەرەو شوین رویداوەگە چگنە.
وتیش، "لەوەر تونی رویداوەگە بڕیگیان لەناو ماشین گیرکردنە، تیمەگە تونستنە دەسوەجی قورتاریان بکەن وەرجە ئەوەگ گیان لەدەس بدەن" دیاریکرد "رویداوەگە لە ئەنجام بویە مدوو مردن کەسیگ و زەخمداری پەنج کەس ترەک".
وەڕێوەبەرایەتیەگە راگەیان، "لەدویای رویداوەگە بڕیگ لە تووڕەیل ئەلکترۆنی و دەزگایەیل راگەیانن زانیاری نادروس بڵاوکردنە، گوایە لە رویداوەگە پەنج کەس مردیە، وەبی ئەوەگ ئرا سەرچەوەی سەرەکی گلەوبخوەن یا ئەرا بەیاننامەی وەڕێوەبەرایەتیەگەمان".
