مردن وەرزشوان فەیلی سامی قەیتولی خاوەن شمارەی پەیمانەیی لە دەوکردن لە وڵاتەیل سکاندیناڤیا
شەفەق نیوز/ وەرزشوان کورد فەیلی، سامی قەیتولی لە تەمەن 74 ساڵان لەشار لینشوبینک لە سوید گیان لەدەسدا لەدویای زیان درویژیگ وەرد بیماری.
ئەکادیمی و نویسەر کەمال قەیتولی برای کووچکردگ لەبان پەرەی تایوەت وەخوەی لەبان تووڕ کۆمەڵایەتی "فەیسبوک" نویسانیە : سامی وە مدوو بیماری درویژخایەن لەدەزگای هەناسدانی کووچ دویایی کرد.
کووچ کردگ، خاوەن شمارەی پەیمانەیی بوی وڵاتەیل سکاندیناڤیا ئەرا دەوکردن وەردەوام وە دویری 205 كم، و200 كم ئەرا ماوەی 24 ساعەت لە بروار 12 مانگ ئۆکتۆبەر / ساڵ 1982.
سامی قەیتولی لە مژار ماف مرۆڤ چالاک بوی لە سەردم ساڵەیل هەشتاگان و نەوەدەگان سەدەی وەرین، دژایەتی رژێم بەعس وەرین کرد لە عراق کە کارەیل ئاوارەکردن سەرنقومکردن و بیسەروشوینکردن کوردەیل فەیلی ئەنجامدان.
هەمیش لە مژار پاڵپشتیکردن دۆسیەی کورد و وەدەسهاوردن ماف هاوڵاتیەیل عراقی لە وڵاتەیل کووچبەرەیل کارکردیە.
