مردن کارمەندیگ و زەخمداری یەکیگ ترەک لە فەرمانگەی کارەبای دهۆک وە مدوو تەزوو کارەبا
2025-04-09T11:24:03+00:00
شەفەق نیوز/ کارمەندیگ لە فەرمانگەی کارەبای دهۆک سر وە هەرێم کوردستان گیان لە دەسدا و یەکیگیش زەخمداربوی وە مدوو تەزوو کارەبا.
وەرپرس راگەیانن فەرمانگەی تەندروسی قەزای ئاکرێ لە بکوور خوەرهەڵات پارێزگای دهۆک، نێچیرڤان فەخرەدین، وە ئاژانس شەفەق نیوز وت: "کارمەندیگ فەرمانگەی کارەبا گیان لەدەسدا و یەکیگیش زەخمداربوی لە ئەنجام ئەوە لە وەخت ئەنجامداین ئەرکەگەی رویوەروی تەزووی کارەبا بویە".
وتیش؛ "رویداوەگە هنای رویدایە کارمەندەیل کار خاسەوکردن کردنە لە یەکیگ لە ئاوایەیل سر وە قەزای ئاکرێ، رویوەروی تەزووی کارە هاتنە لەئەنجام یەکیگیان دەسوەجی گیان لەدەس دەێد کە تەمەنی 46 ساڵانە، و یەکیگ ترەکیش زەخمدار بوود تەمەنی 56 ساڵانە، و ئەرا چارەسەرکردن کلکریایە خەسخانەی ئاکرێ".
