ئمڕوو لە هەرێم تەپوتووز بەرزەوبوود و پلەی گەرمی داوەزێد

شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، کەشوهەوای دوو رووژ دیاریکرد.

وەڕێوبەرایەتەگە لە بڵاوکراوەیگ راگەیان "ئمڕوو ئاسمان ساماڵ بوود وەرد ئەگەر بەرزەوبوین تەپوتوز، کاریگەری تەپوتووزەگە لەبان ناوچەیل باشوور زیاترە وە تایبەت لە وەخت دیروەخت شەو شەفەق شەوەکی چوارشەممە، پلەی گەرمی  (2- 3 ) پلەی سیلیزی بەراورد وە توومارەیل دویکە داوەزێد".

 دیاریکرد "سوو کەش لەکە ئەورە تا نیمە ئەر، لە ناوچە سنووریەیل باکوور و باکوور خوەرهەڵات گاجاریگ  ئاڵشتبوود ئەرا ئەور تەواو وەرد ئەگەر وارین کەمیگ نمەواران،  پلەی (1- 2 ) پلەی سیلیزی بەرزەوبوود"..

هەولێر :  36  پلەی سیلیزی

سلێمانی : 35 پلەی سیلیزی

دهۆک :  33  پلەی سیلیزی

کەرکوک : 38 پلەی سیلیزی  

زاخۆ  :  35 پلەی سیلیزی

هەڵەبجە :37 پلەی سیلیزی

سۆران :  33 پلەی سیلیزی

حاجی ئۆمەران : 25 پلەی سیلیزی

گەرمیان :39 پلەی سیلیزی.