ئمڕوو.. گردەوبوینیگ چەوەڕیکریای ئەرا دوو حزبە کوردەگە لە هەولێر

شەفەق نیوز/ دوو شاند پایەبەرز لە پارت دیموکرات کوردستان و یەکێتی نیشتمانی کوردستان، ئیوارەی ئمڕوو سێشەممە، گردەوبوینیگ هاوبەش لە بارەگای نویسنگەی سیاسی یەکێتی لە شار هەولێر ئەنجام دەن، ئەوەیش ئەرا باسکردن لە دویاترین گەشەیل دروسکردن حکومەت نوو هەرێم کوردستان.

 وەگورەی ئەو زانیاریەیلە کە کەفتنەسە دەس ئاژانس شەفەق نیوز، ئی گردەوبوینە لە چوارچیوەی تەقەلایل وەردەوام ناوەین دوو لایەن تیەێد ئەرا رەسین وە لەیەکفامستن لەباوەت بەشەوکردن پۆستەیل، و میکانیزم دروسکردن حکومەت هاتگ، لەناو خوازینیگ ئەرا وەجیهاوردن هەماهەنگی سیاسی کە پاڵپشتی لە ئارامی هەرێم کوردستان بکەێد.

 پارتی وە سەرۆکایەتی مەسعود بارزانی ریبەر کورد، رووژ یەکشەممە، ئاشکرا کرد کە پۆستەیل لە حکومەت هەرێم رەسیەسە یەکلاییکردن نزیکیگ دویای دویاترین گردەوبوین ناوەین جیگر دویەم سەرۆک حزبەگە مەسرور بارزانی، و سەرۆک یەکێتی بافڵ تاڵەبانی لە هەولێر، کە مەزەنەی دووارە زنیەوکردن (هاوپەیمان کوردستانی) کرد کە لە خولەیل وەرین دوو حزبەگە گردەو کردیاد.

دویای هەڵوژاردن پەرلەمان لە هەرێم کوردستان، کە لە مانگ تشرین یەکەم 2024 وەڕیەو چگ، هیزەیل سیاسی کورد نەڕەسینە رێککەفتن ئەرا دروسکردن حکومەت نوو.

هەرچەن یە نزیکەی پەنج مانگە لەبان هەڵوژاردن رەد بویە، هیمان هەرێم کوردستان زیان لە وسیان سیاسی دوینێد، کە حکومەت ئیرنگە لە وەختیگ کۆتایی وە دەسەڵاتی هاتیە لە 2022 تا ئیسە، کارەیل وەڕیەو بەێد.