ئیلام فەیلی.. کوشیان پیایبگ لە مرافەیگ وەرد برایل ژنەگەی
2023-09-23T09:49:52+00:00
شەفەق نیوز/ پیاییگ لەناو جەنگیگ وەرد برایل ژنەگەی گیانی لەدەسدا، لە ماوەی کەمتر لە ٣ ساعەت توومەتبارەیل دەستگیر کریان.
وەگورەی راپۆرت ئیعتیماد ئۆنلاین، عەقید حسێن نەجەفی، جیگر فەرماندەی پۆلیس پارێزگای ئیلام وت: دویای ئەوەگ بنکەی فریاکەفتن پۆلیس ژمارە ١١٠ راگەیان کە ناکۆکییگ لە گەڕەکیگ شار ئیلام روی دایە، دەسوەجێ ئەندامەیل دەوریەی پولیس ئەرا شوین رویداوەگە کل کریان.
وتیش: وە ئامادەبوین ئەفسەرەیل پولیس دەرکەفت کە پیاییگ تەمەن 44 ساڵ لە ئەنجام مرافەیگ خیزانی وەگەرد خەسویرەیلی وە چەقوو کوشیایە.
عەقید نەجەفی وتیش : ئەفسەرەیل لە یەکەم ساعەتەیل ناسنامەی بکوشەگە ئاشکرا کردنە، و وتیش: لە مەوقەی وەدویاچگن پولیس ئیتلاعات، بکوشەیل لە ماوەی کەمتر لە ٣ یاعەت لە حەشارگەگەیان دەسگیر کریان.
جیگر وەرپرس پولیس پارێزگای ئیلام راگەیان کە توومەتبارەیل وتنە کە هوکار مرافەگە ناکۆکی بنەماڵەیی بویە و وتیش: دویای توومارکردن دۆسیەگە، توومەتبارەیل خریانە وەردەم دەسەڵات دادوەری.
