ئیلام فەیلی.. رووەک "کەنگر" نزیک فەوتیانە

شەفەق نيوز/ لەناوڕاس سروشت کویە لە پارێزگای ئیلام فەیلی، گیای هشکایی وەرد میژوو دویرودرویژیگ لە رەفتارەیل خواردن کوینە، رووەک کەنگر (Gundelia) کەفتیەسە وەر رخ فەوتیان، دویای ساڵەیلیگ لە دروسکردن ستەمانە، و فرەیی خواردنی کە لە گەنجینەیگ سروشتی کەفتە ژیر هەڕەشە.

رەو رووەک دڕکینە کە رەگی پانە، کە چەنای چەنیگ لە وەرز وەهار خوەراک ئاوایە کوردەیل بوی، ئیرنگە بویەسە قوربانی وەپشتگووشخستن ژینگەیی، و نەوین سیاسەتەیل وەردەوامی.

 پسپۆڕەیل باس ئی هەمەڕەنگی سروشتیە کەن کە ئی رووەکە لە شوینە سەنگیە لارەیل دەرچوود لە هەرێمەیل خوەرئاوای ئیران، تایبەتمەندی خوەراکی و تام ناوازەیگ دیرێد، و جویر بەشیگە لە کەلتوور و ناسنامەی ژینگەی ناوچەگە.

 کەنگر تەنیا خوەراکیگ نییە، بەڵکم هێمای سروشت ئیلامە، یونس موەحدی، پسپۆڕ کشتوکاڵی ئویشرد: ئەرا دەرمان سیستەم هەرسکردن و دژایەتی خانەیل شێرپەنجە وەکار تیەێد، هەمیش پاکەوکردن گورچگ، وەگورەی راپۆرتیگ لەلایەن ئاژانس مهر وە هەڵگەردان ئاژانس شەفەق نیوز.

وەلێ ئی سومبول سروشتییە، ئمڕوو زوور فرەیگ کەفتیەسە بانی، درەو وەرزانەی هەڕەمەکی، لەوەڕیان ستەمانە، داوەزیان پاڵپشتیکردن سروشتی، گشتی هیشت ئەو رووەکە وەرەو شوین رخداریگ بچوود، و وەرانوەر ئەوەیش سیاسەتەیل مقیەتیکردن نییە، کە هیشت کەنگر بوودە نموونەیل زاقیگ ئەرا نەوین وەڕیەوبردن ژینەگەیی وەردەوام.

 عەلی فەرەزی نژاد، وەڕیەوبەر ناوەند رووکەیل پزشکی لە ئیلام ئویشێد: میللیدووسی جەنگی هیشت فرە لە مەردم، هەمیش بڕیگ لە میوانەیل لە پارێزگایەیل شانی وە شیوەی فرەیگ لە وەرز وەهار گردیەو بکەن، و وەگەرد زیایبوین ئی کارە ئەرا فرووشتن، توانای فرەوبوینی کەمەو بوی، وەتایبەت لەوەر ئەوە کە وەرجە دروسبوین تویەمەگەی هەڵکەنیەێد، کە هیلێد شیوەی ئەوزەڵکردن سروشتیی بشکێد.

فەرەزی نژاد هوشداری دەێد کە فەوتیان کەنگر نەک تەنیا هەمەڕەنگی بایۆلۆژی لە زەویەیل ئیلام کەمەو کەێد، بەڵکم کاریگەری لەبان ئابووری ناوخوەیی و گەشتوگوزاری ژینگەیی دیرێد، هەمیش سفتی خاک و لەوەڕەیل.

 باسکردن لە فەوتیان کەنگر تەنیا پرسیگ ژینگەیی نییە، بەڵکم هەڕەشەس لەبان شیوەی ژیانیگ وەتەواوی، وەقسەی موەحەدی کە ئویشێدیش؛ چارەسەری کەفێدە تیکەڵیگ لە هوشیاری و کاڵین رووکەیل لەناو ماڵەیل پلاستیک.

لە وەختیگ رخەیل بەرزەو بوون، داوای فرەیگ لە ئیلام تیەێدە بان ئەرە مقیەتیکردن ئی میراتی سرووشتیە، پسپۆڕەیل دوینن کە ئەرکەگە تەنیا وەمل دامەزراوەیل نیەکەفێد، بەڵکم وەرپرسایەتی گشتیە و بەشداریکردن خەڵک ناوچەگە و میوانەیل خوازێد ئەرا مقیەتیکردن ئی رووەک ناوازە.