لە چەوپیکەفتنی وەرد نێچیروان بارزانی.. شەرع: پەیوەندییەیل قایمیگ وەرد بەغداد و کوردستان خوازیمن
شەفەق نيوز/ سەرۆکایەتی هەرێم کوردستان، هویردەکاریەیل گردەوبوین نێچیروان بارزانی سەرۆک هەرێم کوردستان وەگەرد ئەحمەد شەرع سەرۆک سوریا لە شار ئەنتاڵیای تورکیا ئاشکرا کرد.
وەگورەی بەیاننامەگە، لە دیدارەگە باس بانان پەیوەندییەیل سوریا وەرد عراق و هەرێم کوردستان کریا لە بنەمای خاس هاوسایەتی و بەرژەوەنیەیل هاوبەش، و دووپات لەبان گرنگی جەنگکردن رخداری داعش.
شەرع باس نووڕین خوەی ئەرا سوریا کرد تا گشت پیکاتەیل بگرێدەو و بوونە وڵاتیگ ئەرا گشت هاوڵاتیەیل و تایفەیل و دەستوور مافیان مسۆگەر بکەێد.
بەیانامەگە وتیش: سەرۆک هەرێم کوردستان ئافەرین لە رایەیل سەرۆک سوریا کرد، و دووپات لە گرنگی ئاشتی و ئارامی لە وڵاتەگە کرد و چارەکردن سیاسی ئەرا گیچەڵەیل وەشیوەیگ ماف گشت پیکاتەیل وەتایبەت گەل کورد لە سوریا مسۆگەر بکەێد ئەرا مقیەتیکردن ئاشتی و ئارامی لە ناوچەگە.
لەی باوەتە شەرع ئترزوو وڵاتەگەی دووپات کرد لە دروسکردن پەیوەندییەیل قایمیگ وەرد عراق و هەرێم کوردستان وەشیوەیگ خزمەت بەرژەوەنیەیل هەردوگ لایەن بکەێد و دەسمیە لە وەجیهاوردن ئاشتی و ئارامی لە ناوچەگە بەێد.
لە دیدارەگە هەمیش باس قەیران هەرێمی و کاریگەرییەیلی لەبان عراق و سوریا کریا.
