لە هەرێم کوردستان کەم وارانی زەرەرد وە بەرهەم خوەراکییگ رەسانییە
شەفەق نیوز/ کەمی واران لە پارساڵ و دۊیاکەفتنی لە ئمساڵ، کاریگەری لەبان وەرهەم "راشی" لە قەزای ئاکری سەروە پارێزگای دهۆک لە هەێم کوردستان بۊیە، ئی شارە وە ناودارە وە کارگەێل ئاوییە وەردەوامەێل بەرهەم راشی.
بەراسیاوەێل راشی دوو سەنگ گەپێگن یەکێگیان وە دەڵەکناین تۊنی ئاوەگە جولێد تا بەروبوم کونجی بکرێدە راشی وەبی هۊیچ زیادکردن ماددەێل پارێزگاری.
کونجیەگە برشیەد و سوورەو کرێد وەرجە کوتانێ ئیەش تام تایوەتێگ دەێد وە راشیەگە وەێ جوورە وەکاری تێرن ، ک فرە ناودارە وە لای دانشتوان ناوچەگە.
عزا بەهادین سلیمان، خاوەن بەراسیاو (برا عیسی) لە ئاکرێ وە شەفەق نیوز وت: هووکارەێل "وشکە ساڵیە ناوچەگە وەپی گوزەر کەێد بۊیە دۊیا کەفتی لە ئمساڵ".
سلێمان وتیش؛ "ئی بەراسیاوە وە خورەی ئاو کارکەێد ئیمە لە وەرزەێل پاییز و کۆتایی وەهار وە ئاسایی کارکەێن، چۊینکە لەی وەرزەێلە کشاوەرز پێوستیان وە ئاو نییە ئەرا ئاوداین زەۊی کشاوەرزیەێلیان، باوجی ئمساڵ بەشێگ لە کشاوەرزەێل و مەردم ئاوایەگە لەوەر دۊیا کەفتن واران ئاو وەکار تێرن، لەوەر ئەوە تا ئیسە ئاو کەمە".
وتیش؛ کەمی ئاو کار کردیە وە بان بەرهەمەێلیان و ئیسە ئەوەی بەرهەمی تێرن هەر لە بەراسیاوەگە فرووشیەێد،
لەوەر ئەوە یتوەنیمن ئەرا ئەرا دوکانەێل بازرگانی دەستەوەری بکەین. ئەرا خواستن فرەیگ لە ئی جوور راشیە، مردم فرەیگ تێد ئەرا بەراسیاوەگە تا راستەوخۆ بسیننێ.
