لە پێناو تەندروسی و ژیان.. دیداریگ ئەرا پزیشکی مناڵەیل لە هەولێر
شەفەق نیوز/ لە شار هەولێر، پایتەخت هەرێم کوردستان، ئمڕوو یەکشەممە، دیداریگ پزیشکی تایوەت وە مناڵەیل رێکخریا، وە رێکخستن هاوبەش ناوەین پزیشکەیل هەرێم و دامودەزگایەیل تەندروسی.
پەیامنێر ئاژانس شەفەق نیوز وت، دیدارەگە ناونیشان (دیدار مناڵ لە پێناو تەندروسی و ژینگە) هەڵگرێد، ئامادەبوین فراوانیگ لە پزیشکەیل و پسپۆرەیل مژار پزیشکی مناڵەیل گرێدەخوەی، وەرد نوێنەرەیل شمارەیگ لە دامودەزگایەیل تەندروسی و ئەکادیمی لە هەرێم.
وتیش، بەشداربویەیل لە دانشتنەیل دیدارەگە کۆمەڵیگ تەوەر گفتوگوکردن کە پەیوەنی وە تەندروسی مناڵەیل کوردستان دیرێد، لە دیارترینی ئاست خزمەتگوزاری تەندروسی کە لە بنکە و خەستەخانەیل پێشکەش وە مناڵەیل کرێد، لە پێناو خاسترکردنی، گرنگی کوتان و ئەوزەڵداین وە هەڵمەتەیل هووشیاری لە ناوچەیل دەرەوەیل شار، گیچەڵەیل خوەراکی کە فرە باوە لەناو مناڵەیل، کاریگەری بەد خوەراکی وەبان ئەوزەڵکردن مێشک و لەش مناڵەیل، بیماری درویژخانەیل مناڵەیل و خوەپارێزی پیشوەختە و هەوەجەکردن خەسەوکردن بەرنامەیل وشکنین.
وتیش؛ لە دیدارەگە دووپاتکریا لە گرنگی هاوکاری ناوەین وەزارەت تەندروسی و پەروەردە، ئەرا مسۆگەرکردن تەندروسی ناو مەکتەوەیل، و ئەوزەڵداین وە چەمک هووشیاریکردن تەندروی لە تەمەنیگ کەمەو.
