لە یەکەمین گام وەرەو وازهاوردن لەلی.. 30 جەنگاوەر پەکەکە لە سلێمانی چەک خوەیان ئاگر دەن
شەفەق نيوز - سلێمانی / هەولێر
دەیان لە جەنگاوەرەیل پەکەکە و لە هەردوگ رەگەز ژن و پیاو، وەرجە نیمەڕو ئمڕوو جمعە، چەکەیلیان لەناو ئەشکەفت "جاسنە" ناوەین قەزای دوکان و شار سلێمانی ئاگر دان، جویر یەکەم گام وەرەو وازهاوردن حزبەگە لە چەک، و کۆتاییهاوردن وە جەنگ سەربازی، و رویکردن وەرەو کار سیاسی لە تورکیا.
پەیامنێر ئاژانس شەفەق نیوز لە زوان "مەولا نادر" ئەندام ئاشتی ئەرا پرسەیل خوەرھەڵات ناوڕاس و یەکیگە لە ئامادەبویەیل لەناو رسوومەیل فڕەداین چەک لەناو ئەشکەفت "جاسنە" وت: 30 جەنگاوەر لە حزبەگە نزیکەی نیمیگیان پیاو بوین و ئەو نیمەگە ژن، ئاگر کردنەو و چەکەیل خوەیان خستنە ناوی، لەوەردەم ئامادەبویەیل.
لە باوەت چارەنویس ئەو کەسەیلە، نادر وت: گلەو خواردن ئەرا کویەی "جاسنە"، ئەراوە بایەسە حکومەت تورکیا وەخشین گشتگیر لەبانیان دەرکەێد، و دووارە بیلێد تیکەڵای کۆمەڵگا بوون، تا ژیان خوەیان وە گشت ئازادییگ وەسەر بوەن، و راسەوکردن لە دەستوور وڵات بکریەێد تا بوودە دەستوور هاوڵاتیەیی.
وتیش: ئەو چەکیلە کە ئاگر دریان، چەکەیل ئاسایی بوی کە پەکەکە هەڵیگرێد، لە کلاشینکۆف، و نیشانگر، و BKC بوین، کە وەیەوە گام یەکەم لە رسوومەیل وەدەسداین چەک پەکەکە تەواو بوود.
