لەی ساعەتەیل ئایندە لە هەرێم کوردستان واران وارێد

شەفەق نيوز/ وەڕیەوبەرایەتی کەشناسی و زەویلەرزەناسی لە هەرێم کوردستان، ئمڕوو یەکشەممە، مەزەنە کرد لە لە ماوەی 48 ساعەت ئایندە لە فرەی ناوچەیل هەرێم کوردستان واران وارێد.

وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەزەنە کریەێد ئاسمان وەشیوەی گشتی لە هەرێم کوردستان هەور بوود، وەگەرد واران وارین لە پارێزگای سلێمانی و واران سووکیگ لە شوینەیلیگ جیاجیا.

بەیانامەگە وتیش: واران ئەوەسا لە هەولێر و دهۆك وارێد وەگەرد گرمەهڕ، کە شەو وارانەگە وسێدەو.

وتیش: پلەی گەرمی مەزەنەکریای لە ماوەی 48 ساعەت ئایندە لە پارێزگایەیل هەرێم کوردستان وەیجویرەس: هەولێر 30 ، سلێمانی 29 ، دهۆك 29، زاخۆ 30، هەڵەبجە 30، كەركوك 32، سۆران 26، گەرميان 34، حاجی عومران 17".