لە ساڵیاد رووژنامەگەریی کوردی، کوردستان داوای راسەوکردن یاسایل و رەتکردن پەلامارەیل کەێد
شەفەق نیوز/ سەندیکای رووژنامەنویسەیل کوردستان، ئمڕوو دووشەممە، بەیاننامەیگ بڵاو کرد و لەناوی یاد ساڵڕووژ رووژنامەگەری کوردی کرد و داوای راسەوکردن یاسایل ڕاگەیانن و ڕەتکردن پەلامارەیل وەبان رووژنامەنویسەیل کرد.
سەندیکا لە بەیاننامەیگ رەسیە ئاژانس شەفەق نیوز وت: "رووژ 22 نیسان، 127 ساڵ وەبان دەرچگن یەکەم رووژنامەی کوردی وە ناو کوردستان رەد بوود، ئی رووژە 27 ساڵەی دامەزرانن سەندیکای رووژنانویسەیل کوردستانە وەی بوونە گەرمترین پیرووزبایی خوەمان لە سەرجەم رووژنامەنویسەیل کوردستان کەیمن، و ڕێز ئەرا گیان پاک ئەو کەسەیلە کلکەیمن کە لە جەهان ئیمە کووچ کردن و لە ئەنجام کار میدیایی خوەیان شەهید بوین”.
وەگورەی بەیاننامەگە، سەندیکاگە پابەندبوین خوەی وە چاکسازیی پیشەیی لە کەرت ڕاگەیانن لە هەرێم کوردستان و تەقەلا وەردەوامەیل ئەرا چەسپانن رووژنامەگەریی پیشەیی دووپاتکرد، یەیش وە وەرپرسیارێتی ئەنجومەن سەندیکای رووژنامەنویسەیل کوردستان زانی ئەرا وەرگریکردن لە ئازادی رووژنامەگەری و مافەبل رووژنامەنویسەیل، و ئەرا هازدارکردن دیموکراسی.
داوای ڕێکخستن کەرتی میدیا و راسەوکردن و نووەوکردن یاسای رووژنامەوانی شمارە ٣٥ ساڵ ٢٠٠٧ کرد تا وەرد لەگەڵ پیشهاتە مۆدێرنەیل میدیا بگونجێد و چاکسازی لە کەرتەیل ترەک میدیا بکرێد.
وتیش: یەیش هەمیشە بەشیگ بویە لە پلانە وەردەوامەیلی، و ئەرکیگ نیشتمانییە وە ئامانج دەسوەرکردن ژینگەیگ میدیایی تەندروس. ئاشکرا کرد کە تەقەلا دەێد مقیەتی رووژنامەنویسەیل بکەێد لە ری جیوەجیکردن یاسا و وەرگریکردن لە مافەیلیان و نواگیریکردن ئەو هەڕەشەیلە کە تویشیان تیەن.
سەندیکاگە "ڕەتکردن دەسگیرکردن و سەرکوتکردن و سنووردارکردن ئازادی رووژنامەنویسەیل وە هەر دەسپیچگیگ" راگەیان و داوای "مقیەتیکردن ئازادی رادەربڕین و ڕووژنامەگەری، دویر لە ململانێی حزبی، و دووپاتیش لەبان گرنگی جیوەجیکردن یاسای رووژنامەگەری کرد جویر دەسکەفتیگ وەرچەو".
وتیش "هەرلیوا، وەردەوامینن لە داواکارییەیلمان ئەرا دامەزرانن دادگایگ تایبەتمەن ئەرا گووشگردن لە کەیسەیل پەیوەندیدار وە رووژنامەنویسەیل، ئەرا مقیەتیکردن مافەیلیان لە چوارچیوەیگ یاسایی مەدەنی، وە هاوکاری فیدراسیۆن ناودەوڵەتی رووژنامەنویسەیل".
هەمیش "پیشکەفتنە وەرچەوەیل ژنە رووژنامەنویسەیل کورد" بەرز نرخان و دووپات لە "گرنگی پشتیوانیکردنیان لە گشت بوارەیل ڕاگەیانن ئەرا رەسین وە بە یەکسانی راسگانی جێندەری و کۆمەڵایەتی" کرد.
وەگورەی بەیاننامەگە، سندیکا بڕیاریدا "ئەنجومەن رووژنامەنویسەیل ژن" دروس بکەێد تا بوودە سەکوویگ پشتیوانی ئەرا بەرزکردن ڕۆڵ ژنان لە میدیا، داوا لە گشت رووژنامەنویسەیل و وەڕێوەبەرەیل ڕاگەیانن و لایەنە پەیوەندیدارەیل کرد "دەسکردن وە گفتوگۆییگ لەبان ڕێکخستن و چاکسازی لە میدیا هاوتەریب وەرد ئاڵشتکاریە هاوچەرخەیل و دڵنیابوین لە ڕێزگردن لە تایبەتمەنی تاک و کۆمەڵگا و بەرزکردن وەرپرسیارێتی کۆمەڵایەتی میدیا".
سەندیکاکە زوور لە یەکەمایەتی داین وە زوان کوردی لە میدیایل کرد و وە ناسنامەیگ کولتووری و نەتەوەیی لە قەڵەم دا.
وتیشئ: وەردەوامە لە تەقەلایل ئەرا گورجکردن"سندوق خانەنشینی ئەرا رووژنامەنویسەیل" و راسەوکردن یاسای کار ئەرا دابینکردن مقیەتیکردن کۆمەڵایەتی ئەرا رووژنامەنویسەیل و گەرەنتیکردن ئاستیگ شایستە ئەرا ژیانیانر هەمیش کار ئەرا دروسکردنی ژینگەیگ پیشەیی تەندروس کەێد کە بتوانن ئەرکەیلیان وە بیوەی جیوەجی بکەن.
دیاری کرد کە"ئەو ئاستەنگەیل فرە لە ەەردەم میدیایەیل لە هەرێم کوردستان، لەوانە بلۆککردن زانیاری، جیاکاری لە ناوەین دامودەزگایل ڕاگەیانن، هەڕەشە و دەسگیرکردن رووژنامەنویسەیل، دەسناین تەبله کەرستە و ئامرازەیلیان، ریگریکردن لە ڕووماڵکردنیان. یانە باوەتەیل نیگەرانکەرن کە لە ڕاپۆرتەیل دەسەی داکۆکی لە ئازادییەیل باسیان کریاس".
سەندیکا نیگەرانی خوەی لە رەفتار حکومەت فیدراڵی وەرد رووژنامەنویسەیل نشان دا ە دەسنشان ئەوە کرد کە دووچەوەکی ئاشکرا لە رەفتارکردن وەرد رووژنامەنویسەیل ئەندامی سەندیکای رووژنامەنویسەیل کوردستانن وەرانەور ئەوانەی ترەک لە عراق، وەتایبەتی لە ناوچە کوردستانییەیل دەیشت ئیدارەی هەرێم کوردستان، جویر کەرکوک، موسڵ، خانەقین، دیالە، تەنانەت بەغدایش کە رووژنامەنویسەیل کوردستان خود چشتەیل لەلییان زەفت کریەێد.
لە کۆتایی پشتگیری تەواو خوەی ئەرا رووژنامەنویسەیل پیشەیی و مقیەتیکردنیان و وەرگریکردن لە مافەیلیان و پەرەپیدان لیهاتگەیلیان لە ری ئەو خولەیلە کە لەلایەن فیدراسیۆن ناودەوڵەتی رووژنامەنویسەیل رێکەخریەن کە سەندیکاگەمان ئەندامیگ چالاکە.
