پۆلیس هەولێر دەسگیرکردن "خورشید هەرکی" و براگەی وە توومەت کوشتن و ئاژاوەنان راگەیان
شەفەق نیوز - هەولێر
وەڕێوەبەرایەتی پۆلیس پارێزگای هەولێر پایتەخت هەرێم کوردستان، ئمڕوو یەکشەممە، دەسگیرکردن "خورشید لەتیف" یەکێگ لە کەسایەتیەیل هووز "هەرکی"، و براگەی "حەیدەر لەتیف" وە توومەت کوشتن، و ئاژاوەنان و گاڵداین دژ وە هێزەیل ئەمنی راگەیان.
پۆلیس لە بەیاننامەیگ رەسیە ئاژانس شەفەق نیوز، دیاریکرد، دویای ئەوەی ئەو دوو تۆمەتبارە لە ماوەی گوزەشتە بوینە مدوو ئاژاوەنان و گیچەڵ، و دەسدرویژی کردنە بان ماڵ و سامانی هاووڵاتیەیل و سامانی گشتی، و شەهیدبوین یەکێ لە ئەندامەیل پێشمەرگە و هاووڵاتییگ تر، و سزانن کەرەستەیل سەربازی سەر وە هێزەیل پێشمەرگە، و گاڵداین مەردم دژ وە یاسا و ئارامی گشتی، و ئاستەنگ دروستکردن ئەرا پڕۆژەیل حکوومی، و هەڕەشە کردن وە تێکدان ژێرخان ئابووری لە ناوچەیل جیاجیا لە قەزای خەبات، وەگەرد بوین شکایەتەیل دادوەری لە بانیان لە لایەن هاووڵاتیەیل؛ ئمڕوو 5/7/2026، و وەپای فەرمان دادوەری، دەسگیرکریان".
وەپای بەیاننامەگە، "خورشید و حەیدەر هەرکی" لە ئایندە دریەنە دادگایی کردن لەبان ئەو تاوانەیلە کە کردنەسێ دیاریکرد، "دڵنیایی ئەرا هاووڵاتیەیل دەیمن کە گیان و سامانەیلیان پارێزگاری کریاس"، و دووپات کرد "یاسا سەروەرە، و ڕێگە وە هویچ تاوانباریگ نێدرێد ئاسایش و ئارامی وڵات تێک بیەێد و ئاژاوە بنێدەوە".
