لە رووژ ئاڵا.. قەڵای هەولێر گەورەترین پەرچەم کوردستان بەرزەو کەێد..وینە
کامیرای ئاژانس شەفەق نیوز وینەیل بەرزەوکردن ئاڵاگە گرد، ک هیزەیل پیشمەرگە لە وەردەم جاماوەریگ گەورە لە بەرزەوکردنی بەشداری کردن، ئەوەیش وە ئاهەنگ رووژ ئاڵای کوردستان.
لە سلێمانی، پارێزگاگە ئمروو، رسوومەیل بەرزەوکردن ئاڵای کوردستان لە مەکتەوەیل شارەگە وەخوەی دی، ئەوەیش وە ئامادەبوین هەڤاڵ ئەبوبەکر پارێزگار، و بڕیگ لە وەرپرسەیل.
ئەبوبەکر وت: رووژ ئاڵای کوردستان، رووژیگ میژووییە و جی شانازی گشتیە، و لەی رووژە ک ئاهەنگ وە ئاڵای کوردستان کەیمن، نووڕیمن ئاڵامان لەبان وڵاتمان وە ئازادی جویلە کەێد.
لە ١٧ی کانوون یەکەم لە گشت ساڵیگ، گەل کوردستان ئاهەنگ رووژ ئاڵای کوردستان کەێد، جویر رووژیگ نیشتمانی و نەتەوەیی، و بڕیگ چالاکی جیاواز سازێد، وەگەرد بەرزەوکردن پەرچەم لە فەرمانگە و دامودەزگایل حکومەتی، وە ئامادەبوین وەرپرسەیل و کەسایەتیەیل کۆمەڵگا و هونەری و سیاسی.
