لە "پیرمام" گردەوبوینیگ پلە باڵا لەناوەین پارتی دیموکراتی و یەکێتی نیشتیمانی لەباوەت مووچە
شەفەق نیوز ــ هەولێر
نویسینگەیل سیاسی پارتی دیموکراتی کوردستان و یەکێتی نیشتیمانی کوردستان، ئمڕوو دووشەممە، کووبوینەوەیگ هاوبەش ئەنجامدان لەناوچەی پیرمام لە شار هەولێر پایتەخت هەرێم کوردستان، ئەرا گفتوگوکردن لەبان قەیران مووچەو یەک هەڵوێستی کورد لە بەغدا.
پەیامنێر ئاژانس شەفەق نیوز راگەیان، شاندیگ لە حزب پارتی وە سەرۆکایەتی سەرۆک کورد مەسعود بارزانی و شاندیگ لە یەکێتی نیشتیمانی وە سەرۆکایەتی بافل تالەبانی رەسیە پیرمام، ئەندامەیلی پێکهاتنە لە هەریەک لە قوباد تالەبانی و رەفعەت عەبدوڵا و دەرباز سەرکەوت رەسول و نزار ئامێدی.
وەپای پەیامنێر ئاژانسەگە، کووبوینەوەگە لە چوارچمگ تەقەلایەیلە ئەرا هەماهەنگی تەقەلایەیل ناوەین هەردووگ لایەن سەرەکی هەرێم کوردستان لەباوەت وە گیچەڵەیل هەڵپەسێردیاگ وەرد حکومەت فیدراڵی، دیارترینی مووچە و چەسپانن مافە دەستوورییەیل هەرێم.
