کلکریای ترەمپ دوو ری خەێدە وەرپای هەسەدە: بڕیار بیەن ئایا ئیوە کوردین یا سوری
شەفەق نيوز- دیمەشق
تۆماس باراک کلکریای تایبەت ئەمریکا ئەرا سوریا، هیزەیل سوریای دیموکرات خستە دوو پەسەنکردن، یا سوری بوون یا کورد، و دووپات لە هەڵوێست واشینتۆن کرد کە رازی نییە وە دروسکردن نموونەی فیدڕاڵی لە سوریا، و بایەسە وڵاتەگە وە یەک سوپا و یەک حکومەت هەر یەکیگ بمینێد.
باراک لە چەوپیکەفتنیگ وەرد سایت "عرب نيوز" وت: گشت رێزیگ ئەرا هیزەیل هەسەدە دیریمن وبایەسە عاقڵانە بوون، دووپات کرد کە ئەمریکا مەرجەیلی رەتەو نیەکەێد، وەلێ لە خود وەختەگە پشتگیری لە هیچ پرۆژەیگ جیاوەبوین لە سوریا نیەکەێد.
وتیش: تا هەمیشە باوەش وەپیانەو نیکەیمن، لە دەسنشانکردن ئەرا هەسەدە.
هەمیش وت: بایەسە هیزەیل هەسەدە بڕیار بیەن ئایا ئەوان سوریین؟ یا یەکەمین جار کوردن؟.
دووپاتیش کرد کە سوریا هەر وە یەکیگ مینێد و شەش دەوڵەت نییە، و شوینەیلە حکومڕانی جیا ئەرا کورد یا عەلەوی یا دورزیەیل وەدویر زانست.
باراک وتیش: ئەمریکا لە نزیکەوە نووڕێد کە یەکەمین گرووپ پەکەکە لە باکوور عراق چاکیان دانە دەس، لە گامیگ گرنگ.
وتیش: شایەت یە یەکەم گام بوود وەرەو چارەسەرییگ درویژماوە لە تورکیا، وەلێ هوشداری دا کە هیمان پرسیار مەنیە لەبان وەردەوامی پەیوەندیەبل هەسەدە وە سەرکردایەتی پەکەکە.
باراک دیاری کرد کە هیزەیل هەسەدە خوەی یەپەگەس، و یەپەگەیش پەلیگە لە پەکەکە کە تورکیا و ئەمریکا وە ریخریاگەیل تیرۆری وە قەڵەم دەێدەیان.
