لە دوو رویداو جیاواز مناڵیگ و گەنجیگ لە هەرێم کوردستان خنکیەن

شەفەق نیوز/ وەڕێوەبەرایەتی وەرگیری شارستانی سۆران، ئمڕوو شەممە، راگەیان لە دوو رویداو جیاواز مناڵیگ لە چۆمان و گەنجیگ کراکار لە سنوور سۆران خنکیان.

وەڕێوەبەرایەتیەگە لە بەیاننامەیگ راگەیان، کەمیگ وەرجە ئیسە خەوەردارکریایمن لە هەبوین حاڵەتیگ خنکیان لە چەم قوبەی گەڵالە لە سنوور قەزای چۆمان.

دیاریکرد، تیمەیل وەرگیری شارستانی چۆمان دەرچگنە ئەرا شوین رویداوەگە و توەنستن تەرم مناڵەگە لەو چەمە درارن.

لەهەمان وەخت، گەنجیگ ەمەن 20 ساڵان وەناو "موهەنەد ئیسماعیل" کە پیشەى کرێکارە لە زێى گەورە خنکیا.

وەڕێوەبەرایەتیەگە راگەیان، تیمەیلیان وەڕیکەفتنە ئەرا پەیاکردن و دراوردن تەرمەگە.