لەدویای دویاخستنی.. پەروەردەی کوردستان: هەفتەی ئایندە تاقیکردنەوەیل کۆتایی دەسوەپی کەێد
شەفەق نیوز/ لیژنەی باڵای تاقیکردنەوەیل گشتی لە وەزارەت پەروەزدەی هەرێم کوردستان، ئمڕوو چوارشەممە، راگەیان لە هەفتەی ئایندە دەسکرێد وە تاقیکردنەوەیل کۆتایی ساڵ خوەنین گشت قۆناغەیل خوەنین.
لیژنەگە لە بەیاننامەیگ رەسیە ئاژانس شەفەق نیوز وت، "تاقیکردنەوەی کۆتایی ساڵ خوەنین ئمساڵ هەفتەی ئایندەدەسوەپی کەێد و گشت قۆناغەیل خوەنستن گرێدەو وەپای خشتەی دیاریکریاگ".
وتیش "تاقیکردنەوەیل نیشتمانی خول یەک پۆل دوانزەی ئامادەیی وە گشت لقەگانی وەپای خشتەی هاوپیچکریاگە، لەهەمان وەخت تاقیکردنەوەیل پۆل نۆی بنەڕەتی خول دوو وەپای هەمان خشتەس".
وتیش "تاقیکردنەوەی پۆلە ناکۆتایەیل لە چوار سەرەتایی تا یانزە، لە مەکتەوەیل حکومی و ناحکومی لەماوەی 21 حوزەیران 2025 تا 6 تەمووز 2025 وەڕیوەچوود".
دیاریکرد "مکتەوە حکومی و ناحکومیەل (لەناویان مەکتەوەیل ناودەوڵەتی) وەپای هەمان خشتە مەکتەوەیل دانەدێ لە هەفتەیل ئایندەو تاقیکردنەوەیلیان دەسوەپی کەێد.
