لە دویای توومارکردن مردن لە کەرکوک هەولێر ئامادەکاری کەێد ئەرا نواگیریکردن تەو خوینوەربوین

شەفەق نیوز/ وەڕێوەبەرایەتی گشتی تەدروسی لە پارێزگای هەولێر پایتەخت هەرێم کوردستان، ئمڕوو یەکشەممە، دووپاتکرد تا ئیسە، هویچ پسایگ تویشهاتن وە بیماری تەو خوینوەربوین توومارنەکردنە، دیاریکرد لیژنەیل تەندروسی وە هویردی   چەودێری بارودۆەگە کەن، یەیش لەدویای توومارکردن دوو پسای مردن و تویشهاتنەیل لە پارێزگایەیل ترەک.

وەڕێوەبەر گشتی تەندروسی دلۆڤان محەمەد وە ئاژانس شەفەق نیوز وت، " وەبان ئەوەگ پەتاگە لە سنوور هەرێم کوردستان نزیکە وە تایوەت هەولێر، باوجی تا ئیسە نەڕەسیەس وە هەولێر".

وتیش؛ "ساڵانە ئامادەکاری هەوەجەکرێد لەماوەی ناوەین مانگ نیسان تا تەمووز  دەسکرێد وە چەودێریکردن هویردیگ، دابینکردن گشت کەرەستەیل دەرمانی هەوەجەکریاگ و کارمەندەیل تەندروسی و شوینەیل مەنن بیمارەیل، وەرد وەرگردن گشت رێکارەیل پێویست".

وەزارەت تەندروسی، رووژ شەممە، دووپاتکرد لە راسی زانیارییەیل کە رەسیەس وە ئاژانس شەفەق نیوز، لەباوەت توومارکردن دوو حالەت مردن وە تەو خوینوەربوین لە پارێزگای کەرکوک، هەمیش ئاشکرایکرد 14 پسای تویشهاتن لە پارێزگایەیل ترەک توومارکریاس.