"لە جیای عراق" .. بەشداریکردن سەرۆک هەرێم کوردستان لە پرسەی پاپای ڤاتیکان (وینە)
شەفەق نيوز/ نێچیروان بارزانی سەرۆک هەرێم کوردستان، ئمڕوو شەممە، لە رسوومەیل ماڵئاواییکردن لە تەرم پاپای ڤاتیکان فرانسیس بەشداری کرد.
سەرۆک هەرێم کوردستان لە پۆستیگ لەبان پلاتفۆرم ئێکس نویسان: فرە شەرەفمەندم ئمڕوو رێز خوەم ئەرا پاپا فرانسیس لە شار ڤاتیکان پیشکەش بکەم، لە جیای عراق و هەرێم کوردستان.
وتیش: پەیام ئەو کە نوێنەرایەتی ئاشتی و بەزەیی و یەکخستنی کەێد لە سنوور و ئاینەیل رەد بوود، کە میراتییگە ئەوەسا هەر وەردەوامە بوود لە تەمەیکردن و ئیلهام نەوەیل هاتگ.
ئیوارەی دویەکە جمعە، سەرۆک نێچیروان بارزانی رەسیە رۆمای پایتەخت ئیتاڵیا، ئەرا بەشداریکردن لە رسوومەیل ماڵئاواییکردن لە پاپای ڤاتیکان فرانسیس، ئەرا دویاترین مەنزڵگای.
بڕە مەردمەیل لە مەسیحییەیل کاسۆلیکی و سەرکردەیل جەهان، ئمڕوو شەممە، گردەو بوین ئەرا ماڵئاواییکردن لە پاپا فرانسیس ئەرا دویاترین ئارامگای، کە خوەی قەورەیگ ئاسایی اوهتن کلیساگەی لە رۆما دیاری کردوێد.
لە شەوەکیەو دەسکریا وە خوەنیت بڕیگ نماز و سروود ئاینی، کە هەزاران کەس لە ڤاتیکان گردەو بوین ئەرا ماڵئاواییکردن لە تەرمەگە.
شمارەیگ لە سەرکردە و ریبەرەیل جەهان، لەناویان دۆناڵد ترەمپ سەرۆک ئەمریکا، رەسینە رۆما ئەرا بەشداریکردن لە پرسەگە.
ڤاتیکان وت: 162 ئامادە بوین، لەناویان دەیان لە سەرۆک دەوڵەت و حکومەتەیل، ت شمارەیگ لە شاهەیل.
